"Ateş" arbiy-partizan areketi, çiçek ayınıñ 10-nda işğal etilgen Qırımnıñ Saq şeerinde bir mesken evine ücüm qayd etilgenini iddia ete. Olarnıñ malümatına köre, Çeçenistan Cumhuriyetiniñ reisiniñ muavini Murad Saidovnıñ evi zarar kördi.
Çiçek ayınıñ 25-nde areket Telegramda bunı bildirdi.
Qaza neticesinde evniñ özü ve yanındaki bir qaç maşina zarar kördi. Rusiye quvetçileri ya da memuriyet temsilcileri tarafından resmiy izaatlar şimdilik yoq. Ukrayina tarafı da tasdıqlamadı.
"Açıq-aydın körüne ki, Ukrayina Mudafaa quvetleri vatandaşlarnıñ maqsadlarına ücüm etmey, ve bu vaziyette bu, rus AMSnıñ beceriksiz işiniñ daa bir misalidir. Amma işğalciler ve olarnıñ tarafdarları içün ukrayin Qırımından qaçmaq vaqtı kelgenini hatırlatqan bir hatırlatmadır", — dep aytıla haberde.
Hatırlatamız ki, çiçek ayınıñ 25-nde gece işğal etilgen Qırım ve Qara deñizde patlavlar oldı. Rusiye Mudafaa nazirligi 70 dronnıñ yoq etilgeni aqqında bildirdi: 59 dron Qırımğa, daa 11 dron deñiz zonasına yönelgen edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
