Çiçek ayınıñ 25-nde gece işğal etilgen Qırım ve Qara deñizde patlavlar oldı. 70 dron urdılar.
Bunı Rusiye Mudafaa nazirligi bildirdi.
Nazirlikniñ içtimaiy ağlarında derc etilgen malümatqa köre, 59 dron Qırımğa, daa 11 — deñiz bölgesine yönelgen edi. Olarnıñ episi, Rusiye Mudafaa nazirliginiñ malümatına köre, ava mudafaası tarafından yoq etildi.
Bunıñ ile "Qırım yeli" telegram kanalı yazğanına köre, Novofedorovka ve Kaçadaki Rusiye arbiy ava limanları ücüm altında qaldı. Patlavlar Ermeni ve Krasnoperekopsk şeerlerinde de eşitildi.
Çiçek ayınıñ 24-ne keçer gecesi Rusiye akimiyeti Keriç köpründen areketni vaqtınca qapattı, bu ise yarımadada havfsızlıq vaziyetiniñ quvetleşkenini köstere bilir.
"Qırım yeli"niñ haber etkenine köre, patlavlar Canköy, Canköy rayonı, Ermeni, Krasnoperekopsk, Saq, Novofedorovka, Zaozernıy, Gvardiya, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Krasnogvardiya ve Eski Qırımda eşitildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
