Rusiyeniñ Krasnodar ülkesiniñ Gulkevıç rayon mahkemesi siyasiy mabüs Andriy Kolomiyetsni 90 künge uzatıp, onı Çetel vatandaşlarını vaqtınca tutuv merkezinde tuttı.
Çiçek ayınıñ 23-nde Qırım uquq qorçalayıcı gruppası bu aqqında haber etti.
Kolomiyets sürgünlik merkezinde oraq ayınıñ ortasına qadar qalacaq.
Hatırlatamız ki, 2016 senesi Kıyiv vilâyetiniñ sakini Andriy Kolomiyets Qırımda 10 yıl sert rejimli apishanege mahküm etildi. 2015 senesi mayıs ayında Rusiyeniñ Kabardino-Balkaristanda narkotik saqlağanından şübheli sayılıp tutuldı, Qırımğa ketirildi ve "Berkut" mahsus bölüginiñ eki Qırım hadimini öldürmek ıntıluvında qabaatlandı.
Advokat Kolomiyetsniñ aytqanına köre, qabaatlavnıñ delillerinden tek eki qara-beyaz fotoresimi bar.
2025 senesi qara qış ayınıñ 15-nde Krasnodar müstemlekesinden çıqtı. Siyasiy mabüs bundan soñ tutuldı ve Rusiye İçki işler nazirliginiñ Gulkevıç rayonındaki çetel vatandaşlarını vaqtınca tutuv merkezine etap etildi.
Ertesi künü Rusiye mahkemesi Kolomiyetsni çetel vatandaşlarını vaqtınca tutuv merkezine çiçekniñ 14-ne qadar yerleştirmege qarar berdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
