Saban ayınıñ 22-nde Qırımda qanunsız olaraq tutulğan Lvivli qorantağa advokatlar keldiler. İşğalli quvetçiler başta Tetâna Malâr, onıñ qardaşı Valentın Malâr, oğlu Anatoliy Rossihin ve qızı Olğa Begeyniñ apis etilüvini gizlemege tırıştılar.
Qırımtatar Milliy Meclisiniñ reisi Refat Çubarov 2025 senesi çiçek ayınıñ 1-de Suspilne canlı yayınında bunı bildirdi.
"Aqrabaları olarnıñ ne yerde ve nasıl alda olğanlarını bilmey ediler. Bu bir afta devam etti. Bu pek qasevetlendire, çünki bizim tecribemiz, Qırımda repressiyalarğa oğrağanlarnıñ tecribesi, köstergeni kibi, eger de birinci künleri rusiye cezacıları tutulğanlarnıñ bulunğan yeri aqqında malümat bermeseler, bu tek bir şeyni ifadeler: olarnı azaplaylar ve Rusiye cezacılarına kerek olğan delillerni elde eteler", — dedi Çubarov.
Hatırlatamız ki, tutulğanlarnıñ episi "devlet hainligi"nde qabaatlandı. Refat Çubarov qanunsız tutulğanlarnıñ soy-soplarını davalarnı aydınlatmağa çağırdı.
"Ne qadar cinayetçi olsalar da, bu rusiye cinayetçileridir, amma olar açıqlıq, açıqlıq, malümat, kim, ne yerde dep aytılmasına diqqat eteler. Cinayetçileriniñ adlarını aytmağa yetiştirsek, inanıñız, ve bu bizim tecribemizge köre, bu insannı aman-aman qurtarmaq mümkün, çünki o vaqıt onı daa az qıynaycaqlar", — dedi Çubarov.
Refat Çubarovnıñ qayd etkenine köre, FSB hadimleri Qırımda ara-sıra provokatsiyalar yapalar. Bir qaç kün evelsi 18 yaşındaki bir gençni camilerni yaqqanında qabaatlap, apiske aldılar.
"Tecrübe köstere ki, bu kibi vaziyetler, Qırım cemiyetinde belli bir kerginlik yaratmaq içün FSB hadimleri tarafından meydanğa ketirile. Rusiye mahsus hızmetleri, bir taraftan, repressiyalar ve taqiplerni arttıra, diger taraftan ise — vatandaşlarnıñ havfsızlığı aqqında qayğırğanlarını köstermek içün, ara-sıra böyle provokatsiyalarnı teşkil ete", — dedi Çubarov.
Hatırlatamız ki, Qırımtatar maaliy merkeziniñ malümatına köre, eki afta içinde — 2025 senesi saban ayınıñ 7-den 21-ne qadar — Ukrainanıñ vaqtınca işğal etilgen topraqlarında, hususan Qırımda, işğalciler eñ az on bir insannı tuttılar ve altı qanunsız üküm çıqardılar.
2024 senesi Qırımda 173 insan yaqalandı, olardan 75-i qırımtatar, dep QMM bildirdi. Yarımadanıñ işğali devamında 399 insan siyasiy mabüs oldı.
"QırımSOS" teşkilâtı 2024 senesi Qırımda beş türlü insan aqları bozuluvını qayd etti: vatandaşlarnıñ urulması, tibbiy ihtiyaclarnıñ körmemezlikke urulması, mecburiy psihiatrik ekspertizalar, qanunsız apiske alınğanlarğa küç qullanıluvı ve ceza izolâtorına (ŞİZO) yerleştirüv.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız