Rusiye quvetçileri işğal etilgen Qırımda Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) 18 yaşındaki sakinini yaqaladılar, onı "vatandaşlarğa ücüm etüv, ateş açuv ve aşırıcılıq timsallerni qullanuv"da qabaatladılar.
RİA "Novosti Krım", Rusiye kontrolindeki Qırımdaki FSB idaresine esaslanıp bunı bildirdi.
"Quvetçiler 18 yaşındaki Qırım sakinini tuttılar, o, ücüm etip, vatandaşlarğa zarar ketirgen, em de olarnıñ mülküni bozğan, ateş açqan ve aşırıcılıq timsallerini qullanğan ediler", — dep aytıla haberde.
İşğalli Taqiqat eyyeti bildirdi ki, yigit Simferopoldaki (Aqmescitteki) camini ateşke bermege planlaştıra edi. Qayd etilgenine köre, bu yigit içün 1 000 dollar berilecek edi. İşğalcilerniñ aytqanlarına köre, tintüv vaqtında oğlannıñ evinde yanıcı şişeler, pıçaqlar, biber dumanı şişeleri, boya ve bağ vastaları "tapıldı".
"O, Simferopoldaki (Aqmescitteki — terciman) binanı yaqmağa planlaştıra edi. Genç adam cinayet aletini azırladı ve iştirakçilerni taptı. Lâkin qabaatını soñuna qadar isbatlap olamadı", — dep TE qoştı.
Telegram, WhatsApp ve Facebookta Suspilne Qırım haberlerine abune oluñız