İşğal etilgen Qırımda yerli ealine qarşı basqılarnıñ dalğası süre. İşğal akimiyeti, muntazam sürette insanlarnı tutıp ala, cinaiy davalarnı açıp "devlet hainligi", "terrorizm" ve rusiye ordusınıñ "itibardan tüşürüvi" içün qabaatlavlarına dair qattı ükümlerni çıqara.
Taqip etüvler içün esas olaraq Ukrainağa destek bildirüvi, içtimaiy ağlarda yazılar ya da rusiye quvetçilerinen "ekstremist" olaraq tanılğan apansız yazılar bile ola.
Suspilne Qırım, soñki afta içinde yarımada sakinlerine dair qabul etilgen qanunsız tutuılar ve ükümleriniñ sırasını azırlağan.
Sevastopol sakinini "devlet hainligi" içün 16 yılğa makeme ettiler
Sevastopol (Aqyar) Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adısakinini işğalciler devlet hainligi içün icraiy müstemlekesinde 16 yılğa qadar makeme ettiler. Onı da bir yılğa sıñırlavınen 200 biñ ruble (60 biñ grivna) miqdarında cöreme ödettiler.
"2022 senesi il küz ayından beri o, şahsiy teşebbüsi ile Ukraina mahsus hızmetlerinen işdeşlikte bulunıp olarğa Qırımdaki arbiy obyektleri aqqında malümatnı paylaşıp Qara deñiz flotnıñ gemilerinen foto ve videolarnı yollay edi", – denile beyanatta.
Ukrain tarafı, vaziyetni tefsir etmegen edi.
Canköy sakinini "USQ-ne rusiye arbiy obyektleriniñ paylaşuvı" içün tutıp aldılar
28 yaşında olğan Canköy sakinini işğal FTH, USQ-nen işdeşligi içün qabaatlavı boyunca tutıp alğan.
Bunıñ aqqında RİA "Novosti Krım" bildire. İşğalciler iddia etkenleri kibi, o, USQ-ne işğal yarımadasında rusiyelilerniñ arbiy obyektleri aqqında malümatlarnı alıp bere edi.
"O, ayda bir kere çıqıp foto yapıp yetekçilerge yollay edi. Malümatnı raketalı uruşlarnıñ yapılması içün qullanğan edi", – denile rusiye agentliginiñ beyanatında.
Qadınğa dair devlet hainligi içün cinaiy davasını açtılar. Onı 20 yılğa qadar azatlıqtan marum etüvi bekley.
Yalta sakinini içtimaiy ağlarda ukrain tarafdarlı bildirüvler içün tutıp aldılar
Ukrain tarafdarlı Telegram-gruppalarında bildirüvler içün işğalciler Yalta sakinini tutıp aldılar, bildire Qırımtatar resurs merkezi.
Qadınnı "rusiye ordusınıñ itibardan tüşürüvi" ve "yasaq aytılmalarnıñ" neşir etüvinde qabaatlaylar. Oña qarşı memuriy protokolnı tizdiler, malümatlarnı ise makemege yolladılar.
Kurman rayonında erkekni "içtimaiy ağlarda Ukrainağa qol tutvı içün" tutıp aldılar
Qırımdaki Kurman rayonında erkekni "içtimaiy ağlardaki ukrain tarafdarlı gruppalarında Ukrainağa qol tutvı içün" tutıp aldılar.
Bunıñ aqqında işğal KHV-na atıfınen Qırımtatar resurs merkezi bildire.
Tutıp alınğanına qarşı memuriy protokolını tizgenler, malümatlarnı ise makemege yolladılar.
Eki afta içinde işğal etilgen territoriyalarında 11 insannı tutıp aldılar
Eki afta içinde Ukrainanıñ vaqtınca işğal etilgen territoriyalarında, ayrıca Qırımda işğalciler eñ azdan on bir şahısnı tutıp aldılar ve altı qanunsız ükümni alıp çıqardılar.
Qırımtatar resurs merkeziniñ malümatlarına köre, tutıp aluvlarını 2025 senesi saban aynıñ 7-den 21-ne qadar böyle qabaatlavlarına köre qayd etken ediler:
Ukrain tarafdarlı aytılmalar ve vatanperverlik timsalleri – 4 şahıs.
Devlet hainligi – 3 şahıs.
Ukraina mahsus hızmetlerinen işdeşligi – 2 şahıs.
Diversiyağa azırlanuvı – 1 şahıs.
Noman Çelebicihan adına qırımtatar batalyonında iştirağı – 1 şahıs.
İşğal etilgen territoriyalarında çıqarılğan ükümler müstemlekesinde 3,5-24 yılğa qadar süreler.
Qırımdaki işğalciler qırımtatar veteranı Rustem Üseyinovnıñ vagonçığını yoq ettiler
Qırımtatar areketiniñ veteranı Rustem Üseyinovnıñ yaşağan vagonçığını işğalciler saban aynıñ 20 yıqtılar.
Sabadan oña 15 şahıs ayrıca işğal milisniñ vekilleri, FTH hadimi, Morske (Qapsihor)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı köydeki "memuriyetiniñ başı" ve Sudaktaki (Sudaq)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı "yerli şurasınıñ deputatalarından" biri kelgen.
"Adetince quvetçilernen yapılğan sarıp aluvı olmağan edi. Keldiler, vagonçıq yanında turğanlar ve baştan muzakere peyda olğan: "Öz şeylerini topla, vagonçıqnı alıp ketecegimiz", – tarif etti Rustem Üseyinov.
Vagonçıknıñ musadere etüvine vesiqalarnı işğal akimiyeti ve quvetçiler tapmağanlar. Rustem Üseyinov Morske köyünde evni qurğan edi ve 2014 senesi Qırımğa Rusiyeniñ kelüvinden soñ onı vesiqalar seviyesinde resmiyleştirmege yetiştirmegen. İşğal akimiyeti, evni öz küçünen qurulğan soyu dep sayğan edi. Ve 2021 senesi Üseyinov, makemeniñ uyğun qararına istinaf etken olsa da, evni ep bir yıqtılar.
Telegram, WhatsApp ve Facebookta Suspilne Qırım haberlerine abune oluñız