Qırımda işğalli quvetçiler 20 yaşındaki2006 senesi doğğan Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ sakinini tuttılar. O, ukrayin tarafına Qırımdaki Rusiye arbiy obyektleri aqqında malümat bergeni içün «devlet hainligi»nde qabaatlana.
Orta küz ayınıñ 30-nda TASS Rusiye devlet agentligi bu aqqında haber berdi.
«Belgilendi ki, Sevastopol (Aqyar — terciman) şeerinin sakini Rusiyede terroristik olaraq tanılğan ukrayin teşkilâtınıñ vekillerinen bağ qurdı ve kuratornıñ emirlerine yerine ketirerek, duşmanğa RF Mudafaa nazirliginiñ yarımadadaki arbiy obyektleri aqqında malümat bere edi», — bildirdi «FSB».
İşğalli quvetçiler qayd eteler ki, onıñ evini tintkende olar «ukrayin kuratorı ile mektüpleşüvi» ile onıñ telefonını ve Sevastopol (Aqyar) şeerindeki gizli bir yerden alğan öz başına yapılğan patlatıcı cihaznıñ elementlerini aldılar.
RF CQniñ 222.1-nci maddesiniñ 1-nci qısmı (patlatıcı maddelerniñ qanunsız saqlanması), 30-nci maddesiniñ 3-nci qısmı, 223.1-nci maddesiniñ 1-nci qısmı (patlatıcı cihazlarnı qanunsız yapmağa azırlanuv), 205.5-nci maddesiniñ 2-nci qısmı (terroristik teşkilâtnıñ faaliyetinde iştirak etüv) ve 275-nci maddesine (devletke hainlik etüv) binaen işğalciler oña qarşı cinaiy dava açtılar.
O, ömür boyu apis cezasını ala bilir.
Rusiye menbaları tutulğannıñ adını ve ne zaman tutulğanını bildirmedi. Şimdilik mustaqil menbalar onıñ tutulması ve bildirilgen qabaatlavlarğa dair tasdıqlama yoq.
TASS derc etken videoda adamnıñ yüzü gizlengen, quvetçiler ve tutulğan adamnıñ urbalarına köre, adam ava sıcaq olğanda tutuldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız