Orta küz ayınıñ 13-nde Qırımnıñ Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Ermeni Bazar, Alupka şeerlerinde, Bağçasaray ve Perekop (OrRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonlarında işğalciler elektrik energiyasınıñ söndürilmesini ilân ettiler. Perekop (Or) rayonında da suv teminatı sıñırlanacaq.
İşğalli memuriyetler ve Rusiye kontrolindeki «Krımenergo» müessisesi bunı bildirdi.
Simferopolnıñ (Aqmescitniñ) 15 soqağı elektriksiz qalacaq. Yarımadada saba saat 8:00-den aqşam saat 17:00-ge qadar elektrik söndürilecek.
Saat 8:00-den 17:00-ge qadar Ermeni Bazar, Bağçasaray şeerlerinde ve Bağçasaray rayonında da elektrik olmaycaq.
Perekop (Or) rayonında elektriksizlik saat 6:00-dan gece yarısına qadar devam etecek. Bundan ğayrı, «Voda Krıma» şirketiniñ malümatına köre, suv cedvel boyunca berilecek — saat 6:00-dan 9:00-ğace ve saat 18:00-den 21:00-gece. İşğalciler tamir işleri sebebinden qapatılğanını ayttılar.
Saat 11:00-den 18:00-ge qadar Alupkada elektrik söndürilecek.
Hatırlatamız ki, Qırımda elektrik energiyasınıñ berilmesi de orta küz ayınıñ 12-nde sıñırlandı. İşğal etilgen Alupka ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Yaltanıñ bir qısmı fevqulâde işler sebebinden elektriksiz qaldı. Yarımadada «energetikler» bütün Qırımda elektrik sıñırlavları aqqında haber ettiler.
Bundan evel Suspilne Qırımnıñ haber etkenine köre, Qırımda elektrik energiyasınıñ yetmemezligi suv teminatı ile bağlı meselelerge yol aça, hususan evler ve hocalıqlar pompalarğa bağlı olğan yerde. Yarımadada gumanitar vaziyet aqqında tafsilâtlıca malümatnı bizim maqalemizde oquñız.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız