Çiçek ayınıñ 20-nde New Yorkta Birleşken Milletler Teşkilâtınıñ Tamır halqları meseleleri daimiy forumınıñ açılışında baş kâtip Antoniu Guterriş dört esas yönelişni qayd etti. Olarnıñ arasında — tamır halqlarınıñ qorçalavı ve olarnıñ temsilcilerine qarşı taqiplerniñ toqtatılması.
Qırımtatar Resurs Merkezi (QRM) bunı bildirdi.
BMTnıñ Baş kâtibi tamır halqlarınıñ global esnaslarda iştirak etmek müimligini qayd etti ve tedbirlerniñ esas yönelişlerini belgiledi:
- tamır halqlarınıñ aqları aqqında BMTnıñ Beyannamesiniñ bütün aza devletler tarafından amelge keçirilmesi, hususan tamır halqlarınıñ aqlarını devlet qanunlarında qayd etüv ve olarnıñ qararları, topraqları ve resursları boyunca serbest, evelden ve malümatlı razılıq printsipini temin etüv;
- qararlarnıñ qabul etilmesiniñ bütün seviyelerinde olarnıñ iştiragini temin etmek, kerekli ve turğun maliyenen;
- tamır halqlarını, olarnıñ liderlerini ve aq-uquq qorçalayıcılarını qorçalamaq ve olarğa qarşı zorbalıq, taqip ve telükelerni toqtatmaq;
- tamır halqından qadınlar ve qızlarınıñ qarar aluv ceryanlarında rolüni quvetleştirmek.
Forum mayısnıñ 1-ne qadar devam etecek. Tedbirde qırımtatarlarnıñ temsilcileri faal iştirak etecekler: QRMniñ reisi Eskender Bariyev, QRMniñ idarecisi ve uquqçısı Lüdmıla Korotkıh ve Qırımtatar Milliy Meclisiniñ reisi Refat Çubarov.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız