Saban ayınıñ 28-nde gece Ukrayina mudafaa quvetleri işğal etilgen Qırımda Mijğirya civarındaki Rusiye logistika anbarına ücüm etti.
Ukrayina Silâlı quvetleriniñ Baş ştabı Facebookta bu aqqında bildirdi.
"Dnepropetrovsk vilâyetiniñ Siçneve rayonında canlı quvetlerniñ toplaşuvı, Ukrayinanıñ vaqtınca işğal etilgen Qırım territoriyasında Mijgirya civarında maddiy-tehnikiy vastalar anbarı, em de Rusiye Federatsiyasınıñ Brânsk vilâyetiniñ Üneç civarında duşman territoriyasında yaqıt-mazı malzemeleriniñ saqlanuv yeri zarar kördi", — dep haberde aytıla.
Hatırlatamız, Ukrayina mahsus operatsiyaları quvetleriniñ bölükleri, VİET muqavemet areketinen işbirlikte bulunıp, Aqyarda (SevastopoldaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) deñizde erkânsız katerlerniñ Rusiye operatorlarınıñ bazasına ücüm etti.
Saban ayınıñ 27-nde gece Ukrayina Mudafaa quvetleri işğal etilgen Qırımda bir sıra Rusiye arbiy obyektlerine, şu cümleden radar kompleksine ve uçaqlarnı idare etüv stantsiyasına ücüm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız