İşğal etilgen Qırımda cemaat naqliyatı iqtisat rejiminde çalışa ve daima bozuluvlar ola. Avtobuslar 40-120 daqqağa keç qala, salonlarda qızdıruv söndürile, mektep seferleri lâğu etile.
Milliy muqavemet merkezi bunı bildirdi.
MMMniñ malümatına köre, yarımadada taşıyıcılar, yaqarlıq fiyatları artqanı sebebinden masraflarnı qısqartmağa mecburlar. Aİ-95 benzininiñ fiyatı litr içün 76-81 ruble (qararnen 44 ğrıvnâ) ola, bu ise naqliyat şirketleriniñ masraflarını bayağı arttıra. Neticesinde avtobus salonlarında qızdırıcı söndürildi, ve areket aralıqları arttı.
Mektep yolcularınıñ vaziyeti pek qıyın. Seferler lâğu etile, ana-babalarğa balalarını mekteplerge özleri ketirmek kerekligi aqqında aytıla.
Elektrik naqliyatınıñ işinde de meseleler qayd etile. Kütleviy ışıqsızlıq vaqtında trolleybuslar yollarda toqtamağa mecbur olalar, bu ise bazı yerlerde areketni toqtata.
Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Keriç, Yalta ve Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde deñiz alâqası muntazam degil. Fırtınalar ve zararlanğan liman astyapısı taşımalarnı daa zorlaştıra.
"Menbalarnıñ malümatına köre, şirketlerge "masraflarnı optimallaştırmaq" ve buhran olğanını qabul etmemek içün emir berildi. Neticesinde suvuq naqliyat ve lâğu etilgen seferler yarımada sakinleri içün yañı normağa çevirildi", — dep MMM yazdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız