İşğal etilgen Qırımda Rusiye quvetçileri tarafından "devlet hainligi"nde qabaatlanğan yarımada sakinine qarşı cinaiy dava açıldı. İşğalli FSBniñ versiyasına köre, adam Yalta civarındaki mudafaa obyektine dair malümat toplap, onı Ukrayina havfsızlıq hızmetiniñ vekiline berdi.
İşğalli Qırım "prokurorlığı" Telegramda bu aqqında haber etti.
"Qabaatlanğan, "SVOmahsus arbiy operatsiya"nıñ keçirilmesine qarşı olıp, içtimaiy ağlardan birinde UHHniñ temsilcisinen yazıştı. O, kuratordan silâ, tehnika ve mudafaa inşaatlarınıñ yerleştirilüvi aqqında malümat toplamaq vazifesini aldı. Yalta şeer bölgesiniñ köylerinden birinde bulunıp, o, mudafaa obyekti aqqında malümat topladı ve onı Rusiye menfaatlarına qarşı qullanmaq içün Ukrayina vekiline berdi", — dep "Qırım prokurotlığı"nıñ haberinde qayd etildi.
Adamnı işğalci "FSB idaresiniñ" hadimleri tuttı. "Dava" işğalci "Qırım Yuqarı mahkemesine" yollanıla. Şimdilik onıñ şahsiy malümatı belli degil.
Ukrayina havfsızlıq hızmeti bu malümatnı izaatlamadı.
Rusiyede "devlet hainligiRF CQniñ 275-nci maddesi" içün 12 yıldan 20 yılğa qadar apis cezası ve ya ömürlik apis cezası berile, 2023 senesi qabul etilgen yañı qanunğa köre, apis cezaları daa da quvetleştirildi.
Hatırlatamız ki, bundan evel Qırımtatar resurs merkeziniñ idare reisi Eskender Bariiev işğal etilgen Qırımda Rusiye quvetçileri "devlet hainligi"nde qabaatlanğan 5 adam ve 3 qadınnı yaqalağanlarını bildirdi.
Bundan da ğayrı, işğalciler Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinini "devlet hainligi"nde qabaatlap, qanunsız "mahkeme"ge çekecekleri belli oldı. Rusiye kontrolindeki tahqiqatnıñ malümatına köre, o, "UHHnen işbirlik tuttı".
Bundan ğayrı, Qırımda işğalciler Keriç sakinini — Ukrayina havfsızlıq hızmetiniñ sabıq hadimini, deñiz naqliyatı şirketlerinden biriniñ hadimini tuttılar. Onı "Moskvadaki Qızıl meydanında Ğalebe paradına uçaqsız ücüm etüv çağıruvları" ile qabaatlaylar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız