UMNniñ Bİİ, işğal etilgen Qırımda mahsus operatsiyalarnıñ neticeleri aqqında haber etti. Bİİniñ malümatına köre, "Prımarı" mahsus bölüginiñ dronları işğal etilgen Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki Ğvardiyske ava bazasında eki duşman Mi-8 vertolötını urdı. Bozulğan vertolötlarnıñ fiyatı, Bİİniñ malümatına köre, 20-30 million dollar. Bundan da ğayrı, istihbarat, işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) körfezinde çekmeciniñ zarar körgenini bildirdi.
Ukrayina Mudafaa nazirliginiñ Bİİniñ arbiy işiniñ neticelerinen video Telegramda yayınlandı.
"Ukrayina MNniñ Bİİniñ "Prımarı" mahsus bölüginiñ vaqtınca işğal etilgen Qırımda sistemalo arbiy işiniñ nevbetteki neticesi: Simferopol civarındaki Ğvardiyske şeherinde Rusiye işğalcileriniñ ava bazasına yahşı dronlarnen ücüm etildi — eki duşman Mi-8 vertolötı muvafaqiyetnen zararlandı", — dep Bİİ bildirdi.
İşğal etilgen Sevastopol (Aqyar) körfezinde deñiz astı diverssiya quvetleri ve vastalarınıñ terkibine kirgen Rusiyeniñ BUK-2190 çekme gemisi zarar kördi, dep istihbarat bildirdi.
"Sevastopolda işğalcilerge qarşı ava ücümleri vaqtında ukrayin istihbaratçıları gemige mütenasip silâsını ücüm etkenleri sebebinden Moskva BUK-2190 çekme gemisi de zarar kördi. Reyd çekicisi "PDSS" (suv astı diverssiya quvetleri ve vastaları) dep adlandırılğanınıñ terkibine kire. Bu, çoq maliyeviy ve vaqıt resurslarını sarf etken ve eñ yahşı donatmalarnı temin etken yüksek seviyeli dalıcı-qıdırıcılarnıñ bölügi. Çekiciniñ zarar ketirüvi Rusiyeniñ elit bölüginiñ arbiy qabiliyetini sıñırlay", — dep istihbarat qoştı.
Yuqarıda añılğan mahsus tedbirler ne vaqıt keçirilgenini UMNniñ Bİİ bildirmey.
OSINT tahqiqatçılarınıñ malümatına köre, arman ayınıñ 30-nda saat 09:02 UTC-de yapılğan uydu resimleri işğal etilgen Simferopol (Aqmescit) civarında Mi-8 ve Mi-24 vertolötlarınıñ bulunğanı rayonda yanğınnı qayd etti. Ücüm künü nezaret etici resurslar işğal etilgen Simferopol (Aqmescit) yönelişinde dronlarnıñ areketini ve şeher civarında patlavnı bildirdi.
"Ateş" areketiniñ agentleri 2025 senesi arman ayınıñ 31-nde aqşam işğal etilgen Simferopol (Aqmescit) civarındaki "Ğvardiyske" ava limanı rayonında patlavlar aqqında haber etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız