Arman ayınıñ 21-nde gece saat 3-te işğal etilgen Sevastopolda (Aqyarda) patlamalar duyuldı, yanğın çıqtı. İşğalli akimiyet bu talim olğanını bildirdi.
İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) gubernatorı Razvojayev Telegramda bunı bildirdi.
"Qara deñiz flotunıñ arbiy qısmı rayonında — "arbiy qurucılar" soqağı rayonında eşitilgen sesler — Qara deñiz flotu acele yardım hızmetleri (FVN, polis, Sevastopol acele yardım ve qurtaruv hızmeti) ile beraberlikte yanğın söndürüv ve fevqulâde vaziyetlerni al etüv talimlerini keçire edi. Añlaşılğan sebeplerden böyle talimler aqqında evelden haber berilmey. Tek resmiy malümatqa işanıñız", — dep Razvojayev yazdı.
Aynı zamanda Rusiye Mudafaa nazirligi bildirdi ki, bu gece Qırım ve Qara deñiz üzerinde 4 dron tüşürildi.
"Qırım yeli" Telegram kanalında bildirilgeni kibi, arman ayınıñ 21-nde saat 03:35-te Sevastopolnıñ (Aqyarnıñ) Hersones yarımadasında "Pivdennıy" ava limanı yanında eki küçlü patlav oldı. Bundan soñ bu yerde bir qaç yanğın çıqtı.
"Büyük yanğınlar NASA FIRMS uydularında qayd etildi, ve bu talim degil. Ücüm 44.5809454, 33.3994775 koordinatları olğan noqtağa keldi", — dep "Qırım yeli" monitoring gruppası bildirdi.
Yerli sakinler "ÇP/Sevastopol" Telegram kanalında da "yeri gizlengen videolar"nı derc ettiler.
Ukrayina tarafı işğal etilgen Sevastopolğa (Aqyarğa) ücüm aqqında haber etmedi.
Hatırlatamız ki, işğal etilgen Sevastopolda (Aqyarda) Rusiye arbiy hızmetçileriniñ noqtaları ve obyektlerine qarşı silâlı quvetlerniñ ücümleri aqibetlerini derc etmek yasaq etildi. Bundan da ğayrı, işğalcilerniñ AMS ve arbiy tehnikasınıñ yerleşken yerlerini aydınlata bilecek materiallarnı tarqatmaq yasaq etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız