İşğalciler tarafından 11 yıl apiske mahküm etilgen qırımtatar, siyasiy mabusı Yaşar Şıhametov, kiraz aynıñ soñunda Rusiyede Kemerovo vilâyetiniñ Yaya köyündeki 37 sanlı tüzetiş koloniyasına avuştırıldı.
Bu aqta onıñ qorantası "Qırım birdemligi" adlı cemiyet teşkilâtına oraq aynıñ 28-de haber etti.
Bundan evel Şıhametov, cezasını Saratov vilâyetindeki Balaşov apishanesinde keçirdi ve qanunsız apishaneniñ birinci dört yılını anda keçirdi.
Hatırlatacaqmız ki, qırımtatar mahkeme diñlevlerinde qan basımı ve bel meseleleri sebebinden özüni bir qaç kere hasta duydı.
"O, omuzları, cigerleri, boğdayları – ve daa çoq hastalıqları ile büyük meselleri olğanını ayttı. Bu vaqıt [tutuv] devamında o, sadece saqatqa çevirildi", – tarif etken edi evelden onıñ advokatı Emil Kürbedinov.
Bu seneniñ çeçek ayında Şıhametovnıñ yüregi ve boğdayları ağrısı sebebinden Rusiye Federatsiyasınıñ Saratov vilâyetindeki türme hastahanesine yollanıldı.
Yaşar hastalanğanını ya da mevcut sürekli sağlıq meseleleri sebebinden normal hastahanege yerleştirilgenini açıqlamadı, dep bildirdi onıñ apayı Lilâ Şıhametova.
Hatırlatamız ki, bu seneniñ birinci yarısında işğal etilgen Qırımdan siyasiy mabuslerniñ basamaqlı 24 adisesi qayd etildi, olardan 20-si qırımtatar edi, dep bildirdi Qırımtatar resurs merkezi.
Yaşar Şıhametov aqqında ne bilemiz
2021 senesi kiçik aynıñ 17-sinde Qırımdaki kütlevit tintüvlerden soñ işğalciler Yaşar Şıhametov ve daa beş qırımtatar adamını tuttılar.
2022 senesi berim ayınıñ 9-ında RF CQniñ 205.5. maddesiniñ 2. qısmına (RF qanunlarına köre terrorcı olaraq tanınğan teşkilâtnıñ faaliyetinde iştirak etüv) mücibi Şıhametov 11 senege maküm etildi. Tevqif müddetiniñ ibrinci dört senesini daa şiddetli şartlarnen apishanede keçirmeli.
Tevqif olunmadan evel aşçı olıp çalışqan qırımtatar adamınıñ ciddiy sağlıq meseleleri bar: hronik gipertoniya sebebinden qalp, mide, arqa ve qaara cigerler meseleleri bar. Yaramay sağlıq alı sebebinden makeme oturışları sıq sıq başqa tarihqa keçirildi. Üküm çıqarmadan evel adamğa acele yardım çağırğanlar.
2023 senesi ilk qış ayında Rusiyedeki Vlasıha şeeri Apellâtsiya makemesi, qart qırımtatar faalcisi Yaşar Şıhametovnıñ ükümini deñiştirmedi. Makeme oturışı vaqtında özüni yaramay duyğan ve aqrasınen ciddiy meseleler sebebinden qırımtatar adamını zaldan sediyede çıqardılar.
Telegram, WhatsApp, Facebook ve YouTube-ta Suspilne Qırım haberlerine abune oluñız