13 yıl apis cezasına mahküm etilgen Qırım siyasiy mabüsi, "Hizb ut-Tahrir davası"nıñ üçünci AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad (Simferopol) gruppasınıñ mabüsi Lenur Seydametovnı Lipetsk vilâyetiniñ Yelets şeerindeki apishaneden etapnen alıp kettiler. Etapnıñ soñki noqtası Amursk vilâyetiniñ Srednebelaya köyündeki 3-nci tüzeltüv müstemlekesi olacaq.
Onıñ apayı Acıra Seydametova "Qırım birdemligi" teşkilâtına bunı bildirdi.
Aqayınıñ mektübinden qadın Lenurnıñ bir qaç müessisede bulunğanını bildi, amma karantin sebebinden bulunğan yerini aytıp olamadı.
Şimdi o, Blagoveşçenskteki SİZO-1de buluna. Mektübinde o, Amursk vilâyetiniñ Srednebelaya köyündeki 3-nci tüzetüv müstemlekesi etapnıñ soñ noqtası olacağını bildirdi.
"Şimdi oña nasıl irişmek mümkün olğanını tüşünmelimiz. Bu 8,2 biñ kilometr (Seydametovlar qorantası Simferopolda (Aqmescitte) yaşay— muar.) uzaqtır. Allahnıñ yardımınen er şeyni yeñermiz", — dep siyasiy mabüsniñ apayı tarif etti.
Hatırlatamız ki, 2023 senesi Yelts apishanesinde onıñ tiz buğumında Beyker kistası tapıldı. Aynı zamanda siyasiy mabüsniñ omurgasınıñ aşağı qısmında ameliyat kerek edi. 2023 senesi boş ayda ekimler oña omurgasından kemik çıqardılar. Mahküm etilgen qırımtatar hastahanege yatmaq içün bir buçuq ay bekledi. Ekimler adamğa, tizindeki kemikni ameliyat etip-etmeyceklerini aytmadılar.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Kiçik aynıñ 17-nde saba saat dörtte Qırımda Biloğirsk (Qarasuvbazar), Bağçasaray, Simferopol (Aqmescit), Sevastopol (Aqyar) ve Qırımnıñ Sovet rayonında kütleviy tintüvler keçirildi. Lenur Seydametov, Timur Yalkakov, Azamat Eyupov, Yaşar Şıhametov, Ernest İbragimov ve Oleğ Fedorov evlerinde keçirilgen taqiqat tedbirlerinden soñ işğalli Qırım FSBsine ketirildi, bundan soñ apiske alındı ve mahkeme-psihiatrik ekspertizalarğa yollanıldı.
2022 senesi saban ayınıñ 22-nde Cenübiy bölgeniñ arbiy mahkemesi Qırım siyasiy mabüsleri Timur Yalkabov ve Lenur Seydametovnıñ qabaatlav qararını ilân etti. Qırımtatar faalcileri sert rejimli müstemlekede 17 ve 13 yılğa mahküm etildi.
2022 senesi ilk qış ayınıñ 20-nde Qırımtatar siyasiy mabüsi Yalkabov Novoçerkassk şeerinden Dmitrovgrad şeerine etap etildi. 2023 senesi kiçik aynıñ 9-nda ceza izolâtorına yerleştirildi, anda aman-aman 3 ay, mayısnıñ 5-ne qadar, qaldı.
Dava malümatına köre, qabaatlanğanlarnıñ elinde silâ, patlayıcı, arbiy yedekler yoq edi, olar terror eylemini yapmağa planlaştırmay ediler ve başqalarnı terror eylemine çağıra ediler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız