Ukraina MNniñ Bİİniñ reberi general-leytenant Kırılo Budanov bildirdi ki, cenk istihbaratınıñ bölükleriniñ Qara deñiz ve işğal etilgen Qırımdaki arbiy missiyaları, yarımadadaki ciddiy operatsiyağa azırlamalardır.
Milliy telemarafonnıñ canlı yayınında "Deñiz içün cenk: Özüden Qırımğa" vesiqalı filminde bunı añlattı.
"Episi bu — Qırımdaki ciddiy operatsiyağa azırlamalardır. Bu, yarımadağa ve ondan yollar aqqında bilgilerimizniñ aqiqatıdır. Bundan ğayrı, endi 10 senedir işğal astında yaşağan eali içün güzel bir köstergiçtir. Olarnıñ çoqusı, olarnı unutqanlarına inana", — dep Budanov añlattı.
Böylece, keçken sene oraq ayında Tımurnıñ mahsus bölüginiñ askerleri, "Ukraina" yermay çıqarıcı platformasını qaytardılar, "Quvetniñ yañıdan yaşayışı" qırım operatsiyasında iştirak ettiler.
"Tüşüngelerine baqamadan duşman deñizde alsa üküm etmeycek. Bu bizim Qara deñizimiz, bizim "qalelerimiz", bizim Qırımımız, bizim Zmiyinıy adamız", — dep Bİİniñ mahsus bölüginiñ komandanı qayd etti.
Aynı zamanda "Group 13" mahsus bölüginiñ, RF Qaradeñiz flotunıñ gemilerini yoq etmege vazifesini yerine ketire. Er bir missiyasına tafsilâtlıca azırlanmaq kerek.
"Nasıl areket etmek, ne yerde ve qaysı taraftan kirmek kerekligimizni bilemiz. Ücüm etmeden evel çoq faktorına baqamız. Ve bundan soñ maqsadımıznı qıdıramız. Onı tapqan soñ gemiler, bizim içün uyğun yerge ketken vaqıt aynı zamanda bütün aletlerimiz onı ücüm etmege başlay", — dep bölükniñ Trınadtsâtıy lağabınen komandanı añlattı.
Telegram ve Facebookta Suspilne Qırım haberlerine abune oluñız
