İşğal etilgen Amescitteki Kıyiv rayon makemesi, faalci Rustem Osmanovnı 2 ayğa, mayıs ayınıñ 4-üne qadar tevqif etti. Bugün saba rus quvetçileri onıñ evini tinttiler.
"Qırım birdemligi" bu aqqında haber berdi.
Qayd etildi ki, qapalı oturışta ATR telekanalınıñ eski işçisi Rustem Osmanov tevqifke maküm etildi.
UPD. İşğal etilgen Amescitteki Kıyiv rayon makemesi Memet Lümanov, Aziz Azizov ve Mustafa Abduramanovnı tevqif etmege qarar berdi.
Böyle degen makemeci Yevhen Pronin, taqiqatnıñ istegini qanaatlendirdi ve 2024 senesi mayıs ayınıñ 5-ine qadar "Qırım birdemligi"niñ faalcilerini SİZOğa yolladı.
Yarın "makeme", Qırımnıñ Canköy şeerinde ve rayonında tintüvler vaqtında tutulğan daa altı qırımtatar adamına qorçalayıcı tedbirini saylaycaq.
Umumen saban ayınıñ 5-inde işğal etilgen Qırımda evler tintilgen ve adamlar tutulğan soñ 24 bala babasız qaldı.
Усього обшуки були у будинках десятьох кримських татар. Hatırlatamız ki, saban ayınıñ 5-inde işğal etilgen Qırımda yañı kütleviy tintüvler dalğası keçti. Bağçasarayda "Qırım birdemligi"niñ faalcileriniñ evlerinde, Canköy rayonında diniy erbaplarının evlerinde taqiqat tedbirleri keçirildi.
Telegram ve Facebookta Suspilne Qırım haberlerine abune oluñız
