Saban ayınıñ 5-inde işğal etilgen Qırımda yañı kütleviy tintüvler dalğası keçti. Bağçasarayda "Qırım birdemligi"niñ faalcileriniñ evlerinde, Canköy rayonında diniy erbaplarının evlerinde taqiqat tedbirleri keçirildi.
"Qırım birdemligi" bu aqqında haber berdi.
UPD: Umumen on qırımtatar adamınıñ evleri tintildi:
- Rustem Osmanov. Bağçasaray, Yaşlıq soqağı, 33;
- Aziz Azizov. Bağçasaray, Oktâbırskaya soqağı, 15;
- Memet Lümanov. Bağçasaray, Zatrubçenko soqağı, 50;
- Mustafa Abduramanov. Bağçasaray;
- Eski imam Remzi Kurtnezirov. Canköy rayonı, Cadra köyü, Jıtomırskaya soqağı;
- İmam Vait Mustafaev. Canköy rayonı, Cadra köyü, Kıyivska soqağı;
- Ali Mamutov. Canköy rayonı, Paharevka köyü;
- Arsen Kaşka. Canköy rayonı, İlk Çoqraq köyü;
- Enver Halilaev. Canköy rayonı, İlk Çoqraq köyü.
- Nariman Ametov. Canköy
Şu anda Mustafaevniñ evi tintildi. Evde üç bala buluna edi: eki bala (4 yaşında) ve 6 aylıq bala. FSB imamnıñ pasportı, arbiy bileti ve cep telefonını alıp çıqardı.
Bundan ğayrı, Canköy rayonınıñ Cadra köyünde tintüvler bitti. FSB işçileri, eski imam Remzi Kurtnezirovnı ve Enver Halilaevni tuttılar. Kurtnezirovnıñ müddetsiz 2. gruppalı saqatlığı bar, oña "acele yardım" çağırdılar. Evi tintilgen vaqıt onıñ basımı 230ğa arttı.
Bundan ğayrı, Arsen Kaşkanıñ evinde taqiqat işleri keçirildi. Evde 18 yaşına yetmegen beş bala ve onıñ ağır ayaqlı apayı buluna ediler.
FSB Rustem Osmanovnıñ evini tintken soñ onı da alıp ketti.
Telegram ve Facebookta Suspilne Qırım haberlerine abune oluñız
