Aluşta rayonında furtuna tarafından bozulğan qasaba tamir etmek içün 29 mln ruble ayırıldı

Aluşta rayonında furtuna tarafından bozulğan qasaba tamir etmek içün 29 mln ruble ayırıldı

Aluşta rayonında furtuna tarafından bozulğan qasaba tamir etmek içün 29 mln ruble ayırıldı
Tuvaq köyünde furtuna neticeleri, 2023 senesi boş aynıñ 27-si. Фото: Тelegram/ Галина Огнева

Keçken sene boş ayda furtuna neticesinde zarar körgen Aluşta rayonındaki Quru Özen qasabasınıñ yalı sızığında pekitici divar qurmaq içün yerli bücetten 9 mln ruble≈3,8 mln grivna ayırıldı. Yerli park abadanlaştırmaq içün daa 20 mln ruble≈ 8,3 mln grivna üleştirildi.

Aluşta şeeriniñ memuriyetiniñ işğal başı Ğalına Oğnöva bunı "RİA Novosti Qırım"ğa bunı bildirdi.

"Quru Özende furtuna neticesinde pek bozulğan yalı kenarısını yañıdan qurmaq içün biz deyerli 9 men ruble ayırdıq. Amma bu tamir, cumhuriyet bücetinden 20 men ruble ayırğanımız parknıñ abadanlaştırılmasına bağlıdır. Petikici divar qurulmasa, kelecek furtuna bu parknı bozar. Bunıñ içün er şey adım-adım yapamız, birinciden pekitici divar qurarmız, bundan soñ park abadanlaştıracaqmız", — dep Oğnöva qayd etti.

Bundan ğayrı, onıñ sözlerine köre, Tuvaq köyü boş aydaki furtuna neticesinde eñ çoq zarar kördi.

Boş aynıñ 26-27. künleri Qırımdaki furtuna aqqında ne bilemiz

Boş aynıñ 26-sınıñ aqşamı Qırım yarımadasında furtuna terekler, binalarnıñ qısımlarını, damlarnı, alış-veriş merkezlerinden ariflerlni qopardı. Bundan ğayrı, furtuna sebebinden Qara deñizdeki plâjlar ve yalı yollar suvnen basıldı. Furtuna telükesi ilân etildi ve işğal akimiyeti, boş aynıñ 27-sini raatlıq künü bildirdi. Qırim işğal Fevqulâde vaziyetler nazirliginiñ “başı” Serhiy Sadakliyev bildirdi ki, furtuna 39,7 milliard ruble zarar ketirdi.

Boş aynıñ 27-si Qırımda furtuna yeliniñ tezligi 144 km/saat edi. Şiddetli furtuna sebebinden deyerli yüz biñ insan elektriksiz qaldı. Yarımadada maşna yollarınıñ qısmı qapatıldı. Yalı kenarları suvnen basıldı, yüzlerce terek yıqıldı, binalardan dam çıqarıldı, elektrik ağlarda ve gaz borularında onlarca qaza qayd etildi. Beş insan elâk öldi.

İşğal etilgen Qırımdaki furtuna, nezaret tarihında eñ şiddetlidir. Ekolog Yevhen Hlobıstov bildirdi ki, Qırımda olğan şey, yekâne ekologiya vaqiasıdır.

Boş aynıñ 27-sinde Aqyarda furtuna sebebinden 189 terek ve büyük reklama resimleri yıqıldı. Bundan ğayrı, üç insan yaralandı, olarnı hastahanege alıp yattırdılar. Şiddetli furtuna neticesinde Aqyardaki “Hrystalnıy” plâjı ve “Andrey Pervozvannıy adına” yalı kenarısı bozuldı.

Bundan gayrı, şiddetli furtuna neticesinde “Hersones” deñiz zonasında tarihiy abideler bozuldı.

Telegram ve Facebookta Suspilne Qırım haberlerine abune oluñız

На початок