2023 senesiniñ neticelerine köre uquq qorçalayıcılar, Rusiye tarafından VİE Herson ve Zaporijjâ vilâyetlerinde hırsızlanğan ve işğal etilgen Qırımğa sürgün etilgen eñ az 53 insan aqqında malümat BMTnıñ mustaqil eyyetine berdiler.
Tutmalar, azaplamalar, taqipler: 2023 senesi işğal etilgen Qırımda ne oldı" mezvulı matbuat konferentsiyasında Qırım uquq qorçalayıcı gruppasınıñ idaresiniñ başı Olha Skrıpnık bunı bildirdi, dep Suspilne Qırım mühbiri haber berdi.
O qayd etti ki, Qırım yañı işğal etilgen topraqlardan insanlar içün tutulğanları yer oldı. İşğalciler tarafından VİE Cenübinde tutulğan insanlarnıñ çoqusı yarımadağa sürgün etildi. Bundan ğayrı, tolu miqyaslı tecavuznıñ deyerli eki senesi devamında Aqmescitte ruslar, eki yañı SİZO açtılar.
"2023 senesiniñ soñunda biz, Rusiye tarafından Cebüpte hırsızlanğan ve işğal etilgen Qırımğa sürgün etilgen eñ az 53 insan aqqında malümat BMTnıñ mustaqil eyyetine berdik. Amma qayd etmege isteyim ki, bu pek parçasıdır. Kerçekten de böyle insanlar daa çoq bar", — dep Skrıpnık añlattı.
QUQGnıñ başı qayd etti de ki, işğal etilgen Qırımda Rusiye yüzlerce ukrain vatandaşını inkomunikado statusında tuta. Demek ki, işğalciler böyle insanlarnı tutqanlarını tanımaylar.
Telegram ve Facebookta Suspilne Qırım haberlerine abune oluñız
