Qırımnıñ işğal başı Serhiy Aksönov haber berdi, soñ senelerde yarımadanıñ cenübiy yalısındaki boş aynıñ 26-27sinde eñ şiddetli furtuna, tahminen 42 mlr ruble (12,6 mlrd grn) zarar ketirdi.
“Qırım 24” propaganda telekanalınıñ canlı yayınında bunı añlattı.
“Yalta, Aluşta, Keriç, Kezlev şeerlerinde, Saq rayonında, Aqmeçit rayonında yani instisnasız bütün yalı belediyesi zarar kördi. Yalıda olğan er şey suvnen basıldı. Bazı yalı pekitici bünyeler de suvnen basıldı. Furtuna, ilk bilgilerge köre, tahminen 40-42 mlrd ruble zarar ketirdi”, - dep Aksönov qayd etti.
Yarımadanıñ “başı” tafsilâtlıca añlattı ki, bütün deñiz şeerlerindeki yalı kenarları ve yalı pekitici bünyeler bozuldı. 2024 senesi ara qış ayında bildirdiler ki, tatil mevsimi başlamadan evel yalı kenarlarnı tamir etmege yetişmege planlaştıralar.
Onıñ malümatına köre, 436 biñ Qırım sakini furtunadan 10 biñ rublelik tazminat arızasını yolladı. Tahminen 7,5 biñ insan tazminat aldı. 336 biñ ariza endi işlendi, olarğa köre faydalı qarar berildi.
Boş aynıñ 26-27sindeki furtuna aqqında ne bilemiz
Boş aynıñ 26-sınıñ gecesi Qırım yarımadasında furtuna terekler, binalarnıñ qısımlarını, damlarnı, alış-veriş merkezlerinden ariflerlni qopardı. Bundan ğayrı, furtuna sebebinden Qara deñizdeki plâjlar ve yalı yollar suvnen basıldı. Furtuna telükesi ilân etildi ve işğal akimiyeti, boş aynıñ 27-sini raatlıq künü bildirdi. Qırim işğal Fevqulâde vaziyetler nazirliginiñ “başı” Serhiy Sadakliyev bildirdi ki, furtuna 39,7 milliard ruble zarar ketirdi. Boş aynıñ 27-si Qırımda furtuna yeliniñ tezligi 144 km/saat edi.
Şiddetli furtuna sebebinden deyerli yüz biñ insan elektriksiz qaldı. Yarımadada maşna yollarınıñ qısmı qapatıldı. Yalı kenarları suvnen basıldı, yüzlerce terek yıqıldı, binalardan dam çıqarıldı, elektrik ağlarda ve gaz borularında onlarca qaza qayd etildi. Beş insan elâk oldı.
İşğal etilgen Qırımdaki furtuna, nezaret tarihında eñ şiddetlidir. Ekolog Yevhen Hlobıstov bildirdi ki, Qırımda olğan şey, yekâne ekologiya vaqiasıdır.
Boş aynıñ 27-sinde Aqyarda furtuna sebebinden 189 terek ve büyük reklama resimleri yıqıldı. Bundan ğayrı, üç insan yaralandı, olarnı hastahanege alıp yattırdılar. Şiddetli furtuna neticesinde Aqyardaki “Hrystalnıy” plâjı ve “Andrey Pervozvannıy adına” yalı kenarısı bozuldı.
Bundan gayrı, şiddetli furtuna neticesinde “Hersones” deñiz zonasında tarihiy abideler bozuldı.
Telegram, Viber ve Facebookta Suspilne Qırım haberlerine abune oluñız
