Moskvadaki Lefortovo makemesi, qırımtatar qızı Leniye Umerovağa qorçalayıcı tedbir bermek ricanamesini baqtı. Onı “casuslıq”ta (RF CQniñ 276. maddesi) qabaatladı. Onıñ tevqif müddetini eki ayğa uzattı.
Onıñ advokatı Dmıtro Dinze bu malütam Suspilne Qırımğa tasdıqladı. Tevqif müddetini saban ayınıñ 4-üne qadar uzattı.
“Şimdi menim tevqif müddetimni eki ayğa uzattı. Er şey super olacaq. Ukrainağa şan-şerefler olsun”, - dep “İnsan aqları içün” uquq qorçalayıcı içtimaiy leyhasına tefsir etkende Umerova qayd etti.
Uquq imayecilerge tefsir etkende advokat qayd etti ki, Umerova özüni yahşı duya. Aynı zamanda onıñ davasınen bağlı yañı bilgiler yoq, er şey gizlidir.
Leniye Umerova aqqında ne bilemiz
- 2022 senesi ilk qış ayından berli Rf akimiyeti, 25 yaşındaki qırımtatar Leniye Umerovanı qanunsız olaraq tuta edi. Oña qarşı bir qaç memuriy protokol tizdi. Birinci kere sanki vesiqalarını bermegen, bundan soñ sanki telefonını bermegen, bundan soñ da sanki "masadan çıqmağan ve qarşılıq köstergen".
- Bozarğan aynıñ 30-ında Moskvadaki Lefortov makemesi, Ukraina vatandaşı Leniye Umerovanıñ tevkif müddetini 2023 senesi ekim ayınıñ 4-üne qadar uzattı.
- Suspilne Qırım, Leniyeniñ ağası – Aziz Umerovnen laf etti. O, RF tarafından tek ukrain pasportına saip olğanı ve rusiye pasportını almağa red etkeni içün maküm etilgen qız qardaşınıñ ikâyesini añlattı.
- Qırım uquq qorçalayıcı gruppasınıñ başı Olha Skrıpnık, qırımtatar Leniye Umerovanıñ RFdaki izolâtorda tevqif müddetleriniñ uzatılması içün sebeplerni añlattı. Bundan ğayrı, uquq qorçalayıcı qıznı işğalcilerni azat etmege ve evine qaytarmağa yardım etecek yollarnı añlattı.
- Mayıs ayınıñ 5-inde Moskvadaki Lefortov rayon makemesi, ruslarnıñ Şimaliy Osetiyada 5 ayğa qanunsız olaraq tevqif etkeni qırımtatar Leniye Umerovanı epis etti. Leniye Umerovanıñ qorçalayıcıları, qorçalayıcı tedbirniñ miqdarını iddialaşmağa planlaştıralar.
Telegram, Viber ve Facebookta Suspilne Qırım haberlerine abune oluñız
