İlk qış ayınıñ 7-sinde Cumaaqşamı künü işğal etilgen Aqyardaki Kazak körfezinde bir qaç patlama duyuldı. Şeerniñ "gubernatorı" Mıhaylo Razvojayev, arbiy oquvlarnıñ keçirgenlerini bildirdi.
Yerli sakin Suspilne Qırımğa bu aqqında haber berdi.
"Silâ ateşine beñzegen bir qaç patlama eşittim. Patlamalar yavaş edi, körfez rayonından duyuldı", — dep qayd etti o.
Aynı zamanda şeerniñ işğal akimiyeti bildirdi ki, rus tecavuzcıları oquvlarnı keçireler.
"Kazak körfezi rayonında arbiy qısımnıñ toprağında silânen askerlerni azırlama oquvlarını keçiremiz. Oquvlar saat 14.00ke qadar devam etecek", — dep öz Telegram kanalında Razvojayev haber berdi.
Qırımdaki soñ patlamalar aqqında ne bilemiz
- Soñ ay devamında RF Mudafaa nazirligi bildirdi ki, eñ az 70 Deron Qırımnı üzüm etken. Aynı zamanda yarımadadaki arbiy obyektlerge uruv ya da tüşürilgen uçucısız aletlerniñ sayısını tesbit etmek mümkün olmay, çünki işğalciler bu bilgilerni gizleyler.
- 2022 senesi arman ayından başlap deyerli er kün Qırımda ve Aqyarda patlamalar duyulır. İşğalciler, "ukrain uçucısız aletleri"ne ateşler, "Ava mudafaası sistemasınıñ çalışması" ya da "rus askerleriniñ oqumaları"nı bildireler.
- Boş aynıñ 21-iniñ aqşamı ve boş aynıñ 22-siniñ gecesi işğal etilgen Qırımndaki Saq rayonınıñ sakinleri bir qaç şiddetli patlama duydılar. Bundan ğayrı, Saq tarafından kökte parlaq ışıq alınuv köründi.
- Boş aynıñ 21-iniñ aqşamı işğal etilgen Kezlevde şiddetli patlama duyuldı. Saq şeerindeki TES yanğan eken.
- Boş aynıñ 22-sinde RF Mudafaa nazirligig bildirdi ki, vaqtınca işğal etilgen Qırım avasında rus Ava mudafaası sisteması üç uçucısız aletni tüşürdi.
- Boş aynıñ 17-sinde işğal etilgen Aqyarda körfezler tarafından patlamalar duyuldı. Bundan soñ şeerde ava telükesi ilân etildi.
- Boş aynıñ 9-ında Aqyarda şiddetli patlama duyuldı, ruslar "Neptun" raketasını tüşürgenlerini bildirdiler.
Telegram, Viber ve Facebookta Suspilne Qırım haberlerine abune oluñız
