Noman Çelebicihan adına qırımtatar batalyonı davasında 5 senege maküm etilgen Ruslan Abdurahmanovnı rusiyedeki Tambuvsk vilâyetiniñ Miçurinsk şeerindeki 5. müstemlekege etap ettiler ve kartserge oturttılar.
Qırım uquq qorçalayıcı gruppası bu aqqında haber berdi.
Şu anda endi bir aftadır Ruslan Abdurahmanov kartserde buluna. Siyasiy mabüsniñ kartserge oturtılmasınıñ resmiy sebebini imayecisine bildirmediler.
"Qayd etmek kerek ki, memuriyetler siasyiy mabüslerge daa bir kere tesir etmek içün, siyasiy olarnı kartserlerde ve ŞİZOğa sebepsiz oturtuv ameliyatını sıq qullanırlar", — dep QUQG qayd etti.
Bundan evel Ruslan Abdurahmanov Verhneuralsk apishanesinde (Çelâbinsk vilâyeti, RF) buluna edi. Onu şiddetli rejimli müstemlekege etap etmege azırlana ediler.
Ruslan Abdurahmanov aqqında ne bilemiz
- 2022 senesi çiçek ayınıñ 18-inde Herson vilâyetindeki Geniçesk rayonınıñ Azovskoye köyündeki Abdurahmanovnıń evine “DNR” işaretlerine, silâ ve Rusiye bayraqlarınen, balaklavarnı taqqan insanlar izinsiz kirdiler. Onı urdılar, tuttar ve azaplar qullanaraq işğal etilgen Geniçeskteki 17. PTUda soradılar.
- Qırımtatar adamını işğal etilgen Aqmescitteki FSB binasına zornen ketirdiler, anda da oña basım etere, soradılar. Muntazam tesir, qorqutuvlar ve ailesi içün raatsızlıqlar sebebinden adam, sahte malümat berdi, birazdan öz mektebinde bu azaplarnı añlattı.
- 2022 senesi arman ayınıñ 9-ında Aqyardaki işğal Kıyiv rayon makemes, Abdurahmanovnı 5 senege maküm etti, FSBniñ tesiri sebebinden qorçalayıcı taraf, şikâyet arizasını yollamadı.
- 2023 senesi qara qış ayında onı deñiştirmege rica etti.
Telegram, Viber ve Facebookta Suspilne Qırım haberlerine abune oluñız
