Noman Çelebicihan adına qırımtatar batalyonı davasında 5 senege maküm etilgen ve üç grijanı çıqaruv operatsiyasına ihtiyac duyğan Ruslan Abdurahmanovnı Subir rayonında şiddetli rejimli müstemlekege etap etmege isteyler.
Qırım uquq qorçalayıcı gruppasına (QUQG) tefsir etkende apayı Feride bu aqqında haber berdi.
Şu anda siyasiy mabüs Rusiyedeki Çelâbinsk vilâyetiniñ Verhnöuralsk apishanesinde tutula. O yerge onı Aqyardaki 2. SİZOdan ketirdiler. Anda şiddetli şartlarda 2022 senesi arman ayında maküm çıqarılğan vaqıttan başlap bu sene qara qış ayına qadar tutula edi.
“Bir qaç kere onı rus pasportını almağa mecbur ete ediler, amma Ruslan er vaqıt rusiye vatandaşlığını red ete edi. Şimdi onı şiddetli rejimli müstemlekege etap etmege azırlaylar, amma ne yerge belli olmay, Subirge uzaq“, - dep Feride qayd etti.
O qayd etti ki, aqayınıñ sağlığı zayıfladı ve belkemikniñ bel bölügindeki üç grijanı çıqaruv operatsiyasına ihtiyacı bar.
“Belkemikteki grijalar sebebinden miyi, kerekli oksigen almaz. Bu sebebinden er bir qaç daqqa kramplar, mikro qalp krizleri, bedeni çalışmaz. Onıñ acil operatsiyağa ihtiyacı bar. Oña nasıldır eñ adiy ilâçlarnı bereler, amma olar yeterli olmay”, - dep siyasiy mabüsniñ apayı ayttı.
Ruslan Abdurahmanov aqqında ne bilemiz
- 2022 senesi çiçek ayınıñ 18-inde Herson vilâyetindeki Geniçesk rayonınıñ Azovskoye köyündeki Abdurahmanovnıń evine “DNR” işaretlerine, silâ ve Rusiye bayraqlarınen, balaklavarnı taqqan insanlar izinsiz kirdiler. Onı urdılar, tuttar ve azaplar qullanaraq işğal etilgen Geniçeskteki 17. PTUda soradılar.
- Qırımtatar adamını işğal etilgen Aqmescitteki FSB binasına zornen ketirdiler, anda da oña basım etere, soradılar. Muntazam tesir, qorqutuvlar ve ailesi içün raatsızlıqlar sebebinden adam, sahte malümat berdi, birazdan öz mektebinde bu azaplarnı añlattı.
- 2022 senesi arman ayınıñ 9-ında Aqyardaki işğal Kıyiv rayon makemes, Abdurahmanovnı 5 senege maküm etti, FSBniñ tesiri sebebinden qorçalayıcı taraf, şikâyet arizasını yollamadı.
- 2023 senesi qara qış ayında onı deñiştirmege rica etti.
Telegram, Viber ve Facebookta Suspilne Qırım haberlerine abune oluñız
