Boş aynıñ 10-unda işğal etilgen Qırımda Ukraina MNniñ İstihbarat baş idaresi, gece operatsiyasını keçirdi, onıñ neticesinde Rusiye Qaradeñiz flotunıñ küçük dessant gemileri bozuldı. Arbiy tehnika ve dessantnıñ bulunğanı yerlerni deñiştirmek içün Zmiyinıy adasını işğal etkende rus ordusı olarnı qullandı.
Telegramda İBİ bu aqqında haber berdi.
11770 ("Serna" türü) leyhalı gemileri - 45 tonnalıq yük ve 92 dessantçını ala bilgen ava kavernasındaki rus tez dessant gemileri aqqında laf etemiz. Operatsiyalar vaqtında ordu olarnen yalday ve anda BTR-82 kibi zırhlı tehnika yerleştirildi.
Bundan başqa, ukrain istihbaratınıñ bilgilerine köre, Zmiyinıy adasında ve Qara deñizde öz ırdusını gizlendirmek içün işğalciler gemilerde "Tor-M2" zenit-raketa kompleksleri yerleştirdiler.
Bundan ğayrı, deñiz ordusıniñ birinci gruppalarınıñ ketmeleri ya da tehliyesi içün rus askerleri, maqbul gemilerni qullanalar.
"Ukraina telükesizliki ve mudafaa quvetleriniñ bir qaç ücüminden soñ ruslarnıñ AMS vastalarına saip olmağanları sebebinden tecavuzcılar, ZRKnen bu tür gemilerni reydlerde RF QFnıñ gemilerini gizlendirmek içün qullandılar. Şimdi ise ruslarnıñ bu ğayesi bozuldı", — dep İBİ qayd etti.
Bundan evel Suspilneniñ menbaları haber berdiler ki, işğal etilgen Qırımdaki Aqmeçit qasabasında Mudafaa nazirliginiñ İstihbarat baş idaresi, bir operatsiya keçirdi ve eki rus tez dessant gemisini bozdı.
Telegram, Viber ve Facebookta Suspilne Qırım haberlerine abune oluñız
