USQniñ işğal etilgen Qırımğa ücümleri ve mahsus operatsiyalarından soñ rus askerleri telükeni duyaraq, gemilerini Aqyar körfezinden Rusiye ve Abhaziya topraqlarına ketireler. Gemilerniñ qısmını Novorosiyskke ve Gürcistannıñ işğal etilgen topraqlarına ketirdiler. Aynı zamanda Ukraina Mudafaa quvetleri içüm birinci maqsat, Qırımda işğalcilerniñ raketa taşıyıcıları olğan gemilerini yoq etmektir.
"Apostrof TV"ge intervyuda Ukraina Mudafaa nazirliginiñ İstihbarat baş idaresiniñ vekili Vadım Skibitskıy bunı bildirdi.
"Olar, operativ qısmınıñ yerini deñiştirdiler, demek ki, Qaradeñiz flotunıñ idare sistemasını RF topraqlarına. Yani olar telüke duyalar", ― dep ayttı o.
İBİniñ vekiliniñ sözlerine köre, Novorosiyskteki liman Qaradeñiz flotunıñ bütü gemilerini qabul etemez, bunıñ içün rus akimiyeti, bunı yapmaq içün Gürcistannıñ işğal etilgen toprağını ― Abhaziyadaki Oçamçıre şeerini qullandı.
"Oçamçıre şeerin faal işler devam etele, bu Abhaziyadır ― amda arbiy gemileriniñ bazasını yaratmaq içün anda ruslar, tüp pekitici işlerini yaptılar, nasıldır liman astyapısını tamir ettiler. Amma bu yer de büyük olmaycaq", ― dep qayd etti o.
Skibitskıy qoştı ki, işğalcilerniñ telâş duyğuları bar, hususan maqsatlarğa irişkende ve RF SQniñ ADQniñ askerleri ğayıp olğanda. O tafsilâtlıca añlattı ki, rus askerleri, cenkniñ Qırımğa yetkenini añlaylar.
Aynı zamanda Ukrainanıñ yarımadağa dair vazifesi deñişmez ― onı işğalcilerden tamamınen azat etmektir.
"Biz teslim olmaycaqmız. Bunıñ içün anda bulunğan işğal taqımını yoq etmek kerek", ― dep İBİniñ vekilli qayd etti.
O bildirdi ki, USQ içün esas maqsatlar ― işğalcilerniñ faaliyetini yoq etmek içün olarnıñ Qırımdaki raketa taşıyıcısı olğan arbiy gemilerini yoq etmektir.
İşğal etilgen Qırımda MiG-31niñ yerleşkenleri aqqında ne bilemiz
- Orta küz ayınıñ 18-inde Pekinde RF prezidenti Volodımır Putin jurnalistlerge ayttı ki, Rusiye Ava-kâinat quvetleri, "Kıncal" sistemasınen donatılğan uçaqlarnen Qara deñiz üstündeki ava boşluğınıñ bitaraf zonasında muntazam tarzda qaravul etecekler.
- Kreml reberi qoştı ki, "bu qorqutmalar degil, amma Aq deñizdeki vaziyetni nezaret etecekmiz", dep RİA "Novosti" bildirdi.
- Birazdan Ava quvetleriniñ nutuqçısı, polkovnik Yuriy İgnat bildirdi ki, RF prezidenti Volodımır Putinniñ Qara deñizde rus MiG-31 arbiy uçaqlarınıñ qaravullığına dair yañı qorqutmaları, kerginlikni arttırmağa yönelgendir, amma Ukraina Mudafaa quvetleri içün iç bir şey deñişmez.
- Orta küz ayınıñ 19-ında OSINT-analitikacı MT Anderson, fotoresimlerni yayınladı. Anda görmek mümkün ki, işğal etilgen Aqyardaki Belbek uçaq limanında ruslar, "Kincal" aerobalistik raketalarınıñ taşıyıcısı ola bilgen MiG-31 arbiy uçaqlarını endi yerleştirdiler.
Telegram, Viber ve Facebookta Suspilne Qırım haberlerine abune oluñız
