2023 senesiniñ soñuna qadar Qırım işğal akimiyeti, rus ordusına hızmetke tahminen 2,5 biñ Qırım sakinini mobilizatsiya etmege planlaştıra.
Yarımadadaki ukrain gizli areketlerine atıf eterek Milliy qarşılıq merkezi, bu aqqında haber berdi.
Merkezniñ bilgilerine köre, yaqın kelecekte vaizfelerni yapmaq içün şu anda Qırım arbiy komissarlığınıñ vatandaşlarnı arbiy hızmetke azırlama ve mobilizatsiya işğal bölügi, mobilizatsiya planını azırlay.
MQM qayd etti ki, işğal etilgen topraqlarnıñ sakinlerini işğaci bir devletniñ Silâlı quvetlerine mobilizatsiya etüv, Cenk vaqtında grajdan ealini qorçalav aqqında şartnameniñ maddelerini boza.
"Milliy qarşılıq merkezi tenbiyeledi ki, gizli areketlerde Qırımdaki ukrainalılarnıñ mobilizatsiyasına ait olğan bütün tecavuzcılar aqqında malümat bar. Ve er bir işğalci, duşmannen işdeşlik yapqan er kes, bu cinayet içün mesüliyet çekecektir", — dep bildirildi.
Telegram, Viber ve Facebookta Suspilne Qırım haberlerine abune oluñız
