Qırım internet-taminatçıları, reberliginden Bağçasaray rayonında ukrain taraflı qullanıcılarğa dair kontrolnı pekitme emrini aldı. Olarğa RF FSBe şübe doğurğan insanlar aqqında malümat yollamağa emir ettiler.
Telegramda "Ateş" arbiy-partizan areketi bu aqqında haber berdi.
FSBden agenti bildirdi ki, Bağçasaray rayonında inetrnet-taminatçılarğa yerli sakinler, şu cümleden ukrain tarflı qırımtatarlar aqqında çaqmağa emir ettiler.
"Agronet" ve "Komnet" yerli inetrnet-taminatçılarına yerli sakinlerniñ VPN-servislerni qullanmaları aqqında haber bermege emir ettiler. Bunı yapmaq içün operatorlarğa FSBnen operativ şekilde bağlanmaq içün ayrı telefonları berdiler", - dep bildirildi.
Ukrain taraflı olğan Qırım sakinleri aqqında ne bilemiz
- Qırımda işğalciler, yarımadanı sakinlerine qarşı "qarşı diversiya" tedbirlerini - repressiyalarnı pekiteler. Qırımnıñ "akimiyeti", oña "loyal olmağan" insanlarnıñ sayısını qayd ete. Bu sene başından rus quvetçileri, "loyal olmağan" olaraq şübelengen eñ az 100 Qırım sakinini tutıp, esir eteler.
- Qırım işğal makemesi, Aluşta suvparkında Verka Serdüçkanıñ "Hulânoçka" yırı refaqatınen oynağan üç qızğa 15 biñ rublelik (5,6 biñ grvina) para cezasını berdi.
- Qara deñiz strategik araştırmaları institutınıñ reberi Andriy Klımenko bildirdi ki, Qırım işğalden azat etilecek vaqıt Rusiye, yarımadanıñ ukrain taraflı sakinleri - qırımtatarlar ve ukrainalılarnı sürgün etmege başlaya bilir.
Telegram, Viber ve Facebookta Suspilne Qırım haberlerine abune oluñız
