Berim ayınıñ 25-inde Bazarertesi künü vaqtınca işğal etilgen Aqyarda şiddetli bir patlama duyuldı, bundan soñ Rusiye Qaradeñiz flotunıñ ştabı rayonında tuman köründi. İşğalciler bildirdiler ki, bu planlaştırılğan demontaj edi.
Aqyarnıñ işğal gubernatorı Mıhaylo Razvojayev öz Telegram kanalında bu aqqında haber berdi.
"Şimdi şeerniñ merkezinde duyulğan uzaq ses, RF flotunıñ ştabında qaza alındaki binyeniñ parçasını planlaştırılğan çıqaruvdır", - yazdı o.
İşğal etilgen Aqyardaki RF Qaradeñiz flotunıñ ştabı rayonında şiddetli bir patlama duyuldı. Фото: t.me/Crimeanwind
Aqyarğa raketa ücümi aqqında ne bilemiz
- Berim ayınıñ 22-sinde Aqyarda bir qaç şiddetli patlama duyuldı. İşğal akimiyeti, Rusiye Qaradeñiz flotunıñ ştabına raketa ücümi aqqında haber berdi. Bundan evel işğal etilgen yarımadanıñ sakinleri, Suspilnege Qrımnıñ farqlı yerlerinde bir qaç patlama aqqında haber berdiler.
- Bundan soñ RF Mudafaa nazirligi bildirdi ki, Aqyarğa ücüm vaqtında Ava mudafaası sisteması, beş raketanı tüşürdi. Aqyarğa raketa irişip patlanğan soñ ava telükesi ilân etildi ve şeerniñ merkezi bloklandı. Birazda USQniñ StratKom, RF Qaradeñiz flotunıñ komandan ştabına ücümni tasdıqladı.
- Ukraina Arbiy Aava Quvetleriniñ malümatına atıf eterek, Sky News haber berdi ki, Büyük Britaniyanıñ bergeni Storm Shadow uzaq raketaları vastasınen ücüm yapıldı.
Telegram, Viber ve Facebookta Suspilne Qırım haberlerine abune oluñız
