Berim ayınıñ 25-iniñ gecesi Qara deñizniñ şimaliy-ğarbiy parçasında ve vaqtınca işğal etilgen Qırım üzerinde rus Ava mudafaası sisteması, dört uçucısız aletni tüşürgen.
Öz resmiy Telegram kanalında Rusiye Mudafaa nazirligi, bu aqqında haber berdi.
"Berim ayınıñ 25-iniñ gecesi Kıyiv rejiminiñ uçucısız aletlerniñ qullanılmasınen Rusiye Federatsiyasınıñ topraqlarındaki obyektlerge terrorcılıq ücümini yapma ıntılması toqtatıldı", - dep bildirildi.
RF Mudafa nazirligi, Qara deñiz ve Qırımda 4 dronnı tüşürgenini bildirdi. Фото: t.me/mod_russia
İşğal etilgen Qırımdaki soñ patlamalar aqqında ne bilemiz
- Berim ayınıñ 23-ünde tahminen saat 09:00da Aqyarda şiddetli bir patlama duyuldı. Yerli sakinler, ava telükesi sesini eşittiler. İşğalciler qayd ettiler ki, bu raketa ücümi edi, Suharna yılğası rayonında raketa parçaları tüştiler.
- Berim ayınıñ 22-sinde Aqyarda bir qaç şiddetli patlama duyuldı. İşğal akimiyeti, Rusiye Qaradeñiz flotunıñ ştabına raketa ücümi aqqında haber berdi.
- Mahsus operatsiyalar quvetleriniñ zametli işi, berim ayınıñ 22-sinde vaqtınca işğal etilgen Aqyar şeerinde RF flotunıñ reberliginiñ oturışı vaqtında Qaradeñiz flotunıñ ştabını "vaqtında ve dos-doğru" ücüm etmege imkân berdi.
Telegram, Viber ve Facebookta Suspilne Qırım haberlerine abune oluñız
