Moskva şeker makemesi, Rusiyeniñ casuslıqtaRF CQniñ 276. maddesi, 20 senege qadar maküm qabaatlağanı qırımtatar ve Ukraina vatandaşı olğan Leniye Umerovanı ekim ayınıñ 4-üne qadar SİZOda qaldırdı.
Advokatı Olha Dinze, Suspilne Qırımğa bunı añlattı.
Moskva şeer makemesi, oturışta video alâqası vastasınen iştirak etmege red etken Umerovanı SİZOda tutuv qorçalayıcı tedbirine şikâyetni baqtı.
"Tek şikâyet, çünki o, şahsen iştirak etmege istemey", - dep qorçalayıcı añlattı.
Dinzeniñ sözlerine köre, Umerovnanıñ sağlıq alı stabildir.
"Duyğu alı da qanaatlendirici. İngliz tili ögrene, yoga yapa, çoq oquy", - dep advokat ayttı.
Berim ayınıñ soñunda kelecek oturışnıñ tarihı belli olacaq.
"SOTAvision"ğa tefsir etkende Dinze qayd etti ki, taqiqat izolâtorında qırımtatarnı tek qorçalayıcıları ziyaret eteler, akrabaları tek telefon ete ve video vastasınen laf ete bilirler.
Leniye Umerova aqqında ne bilemiz
- 2022 senesi ilk qış ayından berli Rf akimiyeti, 25 yaşındaki qırımtatar Leniye Umerovanı qanunsız olaraq tuta edi. Oña qarşı bir qaç memuriy protokol tizdi. Birinci kere sanki vesiqalarını bermegen, bundan soñ sanki telefonını bermegen, bundan soñ da sanki "masadan çıqmağan ve qarşılıq köstergen".
- Bozarğan aynıñ 30-ında Moskvadaki Lefortov makemesi, Ukraina vatandaşı Leniye Umerovanıñ tevkif müddetini 2023 senesi ekim ayınıñ 4-üne qadar uzattı.
- Suspilne Qırım, Leniyeniñ ağası – Aziz Umerovnen laf etti. O, RF tarafından tek ukrain pasportına saip olğanı ve rusiye pasportını almağa red etkeni içün maküm etilgen qız qardaşınıñ ikâyesini añlattı.
- Qırım uquq qorçalayıcı gruppasınıñ başı Olha Skrıpnık, qırımtatar Leniye Umerovanıñ RFdaki izolâtorda tevqif müddetleriniñ uzatılması içün sebeplerni añlattı. Bundan ğayrı, uquq qorçalayıcı qıznı işğalcilerni azat etmege ve evine qaytarmağa yardım etecek yollarnı añlattı.
- Quralaynıñ 5-inde Moskvadaki Lefortov rayon makemesi, ruslarnıñ Şimaliy Osetiyada 5 ayğa qanunsız olaraq tevqif etkeni qırımtatar Leniye Umerovanı epis etti. Leniye Umerovanıñ qorçalayıcıları, qorçalayıcı tedbirniñ miqdarını iddialaşmağa planlaştıralar.
- Makeme, eki kere SİZOda tevqif qoralayıcı tedbirini 2 ayğa uzattı.
Telegram, Viber ve Facebookta Suspilne Qırım haberlerine abune oluñız
