Ruslarnıñ Zmiyinıy yanında faaliyeti ve adasına ücümleri, gumanitar koridornı qullanğan gemilerge saip olğanlarğa tesir ola bilir. Bundan ğayrı, Rusiye ordusı,"Si Brız-2023" haqlara oquvlarına qatılgan quvetler ve vastalar aqqında malümat toplamağa ıntıla.
Berim ayınıñ 11-inde Suspilne. Sprotıvnıñ canlı yayınında Ukrainanıñ cenübiy mudafaa quvetleriniñ idare matbuat merkeziniñ reberi Natalâ Humenük bunı añlattı.
Onıñ sözlerine köre rus ordusı, Zmiyinıy aqqında operativ malümat toplamağa toqtamağan. Bazıda olar, o yerge istihbarat ucucısız aletlerini yollaylar ve taktik uçaqlar vastasınen uçaq bombalarını tüşürerek adasını ve onıñ yanında deñiz yollarını ücüm etmege ıntılalar.
"Bu, duşmannıñ Qara deñizde ükümdarlığını qayd etmege tırışqanını köstere. Duşman, ukrain limanlarında uzun zaman devamında bloklanğan eken gemiler içün Ukraina Mudafaa quvetleriniñ teklif etkeni gumanitar koridor vastasınen bu qurşavdan çıqmaq içün telükesiz olaraq tanıy, dep iddia etmek imkânsızdır. Telüke mevcut ola dep, gemilerge saip olğanlarğa tesir etmege tırışaraq, bu tür bozma ketire bilirler ve Mudafaa quvetleri, bu tür koridornıñ çalışmasının telükesizlik parçasını temin etemezler", — dep Humenük añlattı.
Bundan ğayrı, Hatalâ Humenük qayd etti ki, rus ordusınıñ Zmiyinıy yanındaki faaliyeti, berim ayınıñ 11-inde Romaniyanıñ Qara deñiz topraqlarında başlağan "Si Briz-2023" halqara oquvlarınen bağlı ola bilir.
"Hatırlatam ki, bugün Romaniyanıñ topraq deñizinde halqara oquvlar başlaylar. Bu da Zmiyinıy adasına pek yaqın. Ve duşman, em Qara deñizdeki NATO quvetleriniñ faaliyeti, em de haqlara oquvlarda iştirak etken küvetler ve vastalar aqqında malümat toplamağa tıraşa bildi", — dep Natalâ Humenük qayd etti.
Telegram, Viber ve Facebookta Suspilne Qırım haberlerine abune oluñız
