Ukraina MNniñ İstihbarat baş idaresi bir video yayınladı. Anda eki rus arbiy vertolötı ve uçağı, işğal etilgen Qırımda Tarhan Qut burnu rayonında uçqan ukrain ucucısız aletini taqip eteler ve onı uramaylar.
Öz resmiy Telegram kanalında MNniñ İBİ bu aqqında haber berdi.
İstihbaratnıñ bilgilerine köre, İBİniñ dronları rus Ava mudafaası quvetlerinden ve işğalcilerniñ avacılığınen doğru çatışmadan bozulmağan tarzda daa çoq çıqalar.
"Devamlı taqipte eki duşman vertolötı ve uçağı, ukrain ucucısız aletini uramadılar", - dep bildirildi.
"Elleri başqa bir yerdenlerdir...", - dep dronnıñ operatörü tefsir etti.
İstihbarat baş idaresi qoştı ki, muntazam ateşlerge baqmadan, cenkleşüv yerinden ukrain ucucısız aleti bozulmağan çıqıp, bazağa qaytmağa becerdi.
Telegram, Viber ve Facebookta Suspilne Qırım haberlerine abune oluñız
