2023 senesi qara qış - arman ayları devrinde dronlar RFnı ve vaqtınca işğal etilgen Qırımnı deyerli 200 kere ücüm ettiler.
Rus kütleviy haber vastalarındaki haberleriniñ nezareti temelinde BBCniñ talili bunı kösterdi.
"Tolu miqyaslı tecavuzdan berli ucucısız aletlerniñ RFda ve işğal etilgen Qırımda deyerli 190 mümkün olğan ücümi qayd etildi", — dep bildirildi.
Jurnalistler qayd ettiler ki, arman ayınıñ 30-ında gece maalinde olğan ücümler, eñ az 6 rus bölgesine yönelgen ediler. By, 2023 senesi eñ büyük ücümdir.
Arman ayınıñ 30-ında gece maalinde dpronlarnıñ ücümi
Arman ayınıñ 30-ında gece maalinde RF içtimaiy ve arbiy uçaqları tarafından beraber qullanılğan Pskovdaki uçaq limanı rayonında bir qaç patlama duyuldı, bundan soñ anda büyük bir yangın başlandı.
Mudafaa nazirliginiñ İstihbarat baş idaresiniñ vekili Andriy Yusov Suspilnege tefsir etkende añlattı ki, bu vaqia neticesinde 4 Il-76 arbiy-yük uçağı mavh etildi ve 2 uçağı bozuldı.
