"Ateş" areketiniñ partizanları işğal etilgen Qırımda Rusiye arbiy tehnikası ve AM sistemasınıñ kütleviy şekilde avuştırılğanını bildireler. Agentlerniñ aytqanlarına köre, işğalcilerniñ areketleri idaresiz ve havflı — bu mudafaa azırlığından daa çoq telâşqa oşay.
Çiçek ayınıñ 21-nde areket Telegramda bunı bildirdi.
"Ateş"niñ Rusiye arbiyleri arasındaki menbalarına köre, Rusiye ordusı telükesizlik seviyesini arttırmağa tırışa, lâkin tehnikasını plansız köçüre.
"Yerdeki vaziyetke köre, tehnikasınıñ plansız bir yerden diger yerge avuştırıluvı ve bu, reberlikniñ tedbirleri aqqında esabat bermek içün bir telâş kibi körüne. Vaziyet 2023-2024 seneleri Qırımğa ücümler yapılğanını hatırlata", — dep "Ateş" bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
