"Sarı şerit" areketiniñ faalcileri Rusiye tarafından işğal etilgen Qırımda yañı narazılıq aktsiyasını keçirdiler. Yalta, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) soqaqlarında Ukrayinağa qoltutqan yazılar peyda oldı.
Faalciler öz Telegram kanalında bunı yazdılar.
Qayd etilgenine köre, Yaltadaki cemaat naqliyatınıñ turaqlarında, Sevastopolda (Aqyarda) poçta qutularında, Simferopol (Aqmescit) soqaqlarında ve diger çoq adamlı yerlerde Ukrayinağa qoltutqan yazılar ve levhalar peyda oldı.
"Er kün farqlı şeerlerde muqavemet timsalleri peyda ola, bu ise insanlar teslim olmağanını tasdiqlay — olar işğalden qurtaruv ve Ukrayina Silâlı quvetleriniñ kelmesini bekleyler. Çünki Qırım — Ukrayinadır", — dep aytıla haberde.
Hatırlatamız ki, vaqtınca işğal etilgen Qırımda Simferopol (Aqmescit) ve Yaltada "Sarı şerit" areketiniñ faalcileri narazılıq aktsiyalarını keçirdiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
