Rusiye işğalcileri 13 yılğa qadar apis cezasına mahküm etken Server Zekiryayevniñ memuriy davası Qırımnıñ Bağçasaray rayon mahkemesinde baqıldı. Siyasiy mabüs, tüzetüv müstemlekesinde «dayanılmaz tutuluv şaraiti»nden şikâyet ete.
Bunı "Qırım birdemligi"ne advokat Rustem Kâmilev bildirdi.
Onıñ aytqanına köre, Server "işkence kibi" apishanedeki şaraitten şikâyet ete.
"Kanalizatsiyanıñ yaqınlığı sebebinden daima pis bir qoqu bar. Kamera türlü tek odağa yerleştirüv içün sebepler resmiy: o, (Server Zekiryev — muar.) rejimni bozğan, qalpaq taqmağan ya da selâmlaşmağan", — dep qayd etti Rustem Kâmilev.
Mahküm etilgen adam, bir yıldır bulunğanı KTTOKamera türlü tek odadaki kanalizatsiya meselelerini bir çıqışta bulunıp añlattı.
"Kameramnıñ penceresinden eki-üç metr uzaqlıqta olğan kanalizatsiya daima tıqalıp qala. Men qusqanımdan uyana edim", — dep mahkemeci Aleksandr Skışovğa siyasiy mabüs tarif etti.
"Mahkemeci" siyasiy mabüsniñ memuriy davasını red etti, amma imayeci taraf işgalli Qırım Yuqarı mahkemesine şikâyet etmege planlaştıra.
Hatırlatamız ki, kanalizatsiya sistemasından çıqqan gazlar sebebinden, mabüs qusma ve oksigen qıtlığından zarar köre.
Server Zekiryayev aqqında ne bilemiz
Tevqif etilmegen evel Zekiryayev beden tasili ocası olıp çalışqan ve çiçekçilik yapqan edi. Onıñ 13 balası bar, adam tevqif etilgen soñ soñki balası doğdı. Siyasiy mabüsniñ saqatlı qızı bar, onıñ doğuvdan san çıkığı bar.
2017 senesi ekim ayınıñ 11-inde Bağçasarayda FSB işçileri altı qırımtatar adamını tuttılar: Server Zekiryayev, Tımur İbrahimov, Marlen (Süleyman) Asanov, Memet Belâl, Seyran Saliyev ve Ernes Ametov.
2018 senesi mayıs ayınıñ 21-inde bu cinaiy dava çerççivesinde Edem Smayilov ve Server Mustafayev tevqif etildi. Er kes Rusiyede terrorcı bir teşkilât olaraq tanınğan, amma dünyanıñ ülkeleriniñ çoqusında ve Ukrainada serbest şekilde faal etken Hizb ut-Tahrir islâm siyasiy fırqasınıñ faaliyetine ait olmaqta şübelendi.
2020 senesi berim ayınıñ 16-sında Rostov-na-Donudaki Cenübiy bölge arbiy makemesinde "Hizb ut-Tahrir davası"nıñ ekinci Bağçasaray gruppasını üküm ettiler. Qırımtatarlarnı 13-19 senege maküm ettiler.
2019 senesi oraq ayınıñ 18-inde Avropa parlamenti bir rezolütsiya çıqardı. Anda Rusiyeni bütün ukrain siyasiy mabüslerini, ve ekinci Bağçasaray gruppasınıñ iştirakçilerini azat etmege çağırdı.
Telegram, WhatsApp, Facebook, TikTok ve YouTubede Suspilne Qırın haberlerine abune oluñız
