"Ateş" arbiy-partizan areketi işğal etilgen Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) Striletska körfezinde Rusiye Federatsiyasınıñ Qara deñiz flotunıñ gemileriniñ qalımtıları aqqında bildirdi. Hususan, anda "SB-36" qurtarıcı çeküv gemisini kördiler.
Çiçe ayınıñ 11-nde areket Facebook saifesinde bu aqqında haber etti.
Olarnıñ malümatına köre, bu maşna 2024 senesi orta küz ayından berli çalışmay.
"SB-36 zarar körgenini ve endi işğalciler tarafından yalıñız su yüzüvi ya da tehnikiy obyekt olaraq qullanılğanını tahmin etmek mümkün", — dep Ateşniñ koordinatorları tüşüne.
Bundan da ğayrı, partizanlar, Striletska körfezinde Rusiye flotunıñ daa bir patrul katerini körgenlerini qayd ettiler.
Daa evel "Ateş", işğal etilgen Sevastopol (Aqyar) civarında "Vtorçermet" iskelesi yanında Rusiye Silâlı quvetleriniñ "Albatros" leyhası 1124M küçük suv qazaiy gemisini qayd etkenini bildirdi.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
