"Sarı şerit" cemaat areketiniñ iştirakçileri işğal etilgen Qırımnıñ Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Yalta şeerlerinde yañı narazılıq aktsiyasını keçirdiler.
Çiçek ayınıñ 7-nde faalciler, öz Telegram kanalında bunı bildirdiler.
Hususan, areket, Simferopoldaki (Aqmescitteki) Kirov ve Skvozna soqaqlarındaki Rusiyege qoltutqan mural yanında, cemaat naqliyatınıñ toqtatuvlarında ve Yaltadaki graf Mordvinov sarayınıñ altında Ukrainağa qoltutqan levhalar ve sarı şeritlerni tarqattı.
"İşğalcilerniñ areketleri nasıl olsa da, muqavemet timsalleri yarımada boyunca tekrar-tekrar peyda ola. Qırım ealisi Rusiyeniñ işğalini qabul etmey ve Ukrainanı bekley. Ve elbette bekleycek!" — dep "Sarı şerit" koordinatorları qayd ettiler.
Hatırlatamız ki, evel "Sarı şerit" areketiniñ faalcileri işğal etilgen topraqlarnıñ, şu cümleden Qırımnıñ, sakinleri içün stresli şaraitte ruhiy sağlıqnı saqlamaq içün üç ruhiy usulnı derc ettiler.
Bundan da ğayrı, bu areket "Dovidka.info" leyhasınen beraber "Sen Ukrainadasıñ" adlı VPNnen mahsus bir brauzer ve hızmetni VİET, şu cümleden Qırım sakinleri içün azırladı. Bu, ukrain saytları ve haberlerni telükesiz şekilde baqmağa imkân berecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
