2025 senesi çiçek aynıñ 6 qadar Ukrainağa qarşı cenkte Rusiyeniñ tarafında elâk olğan 1282 qırımlını tanıp oldılar. Saban aynıñ başlanuvınen qıyaslasaq, cedvel 79 insanğa artqan.
Bunı "Qırım.Aqiqat" muarririyetine berilgen "200 Yükü" bazasınıñ malümatları tasdıqlay.
"200 Yükü" malümat bazasında doğğan yeri, çağıruv ya da rusiye ordusına celp etüv (aqiqiy arbiy bölüginen beraber) yeri, daa elâk olğanlarnıñ qısmı içün elâk oluvınıñ doğru ya da tahminiy yeri ve künü aqqında malümat bar", – denile leyha saytında.
Daa müelifler şunı qayd eteler ki, bu raqamlar dos-doğru olamaz, çünki işğal akimiyeti elâk olğanlarınıñ sayısını gizley. Malümatlar açıq menbalardan alınğan. Muarririyet, bazanı 2024 senesi ilk qış aynıñ 19 yayınlağan – o vaqıt cedvelde 1000-den ziyade insan edi.
Hatırlatayıq ki, Qırımda Ukraina Prezidentiniñ temsilciliginiñ malümatlarına köre, büyük miqyamlı ücümi vaqtında işğal etilgen yarımadasında yerleştirilgen qısımlardan rusiye ordusınıñ eñ azdan 1873 askeri elâk olğan. Olardan 1266, Ukraina vatandaşı edi.
Telegram, WhatsApp ve Facebookta Suspilne Qırım haberlerine abune oluñız
