Qırımdaki işğal memuriyeti, kavehaneler ve restoranlar saiplerinden rusiye "vatanperver muzıkasını" qoymağa talap ete. İş adamlarnı turistik mevsiminiñ başlanuvından evel bu talabına riayet etilmesini teşkerip baqarlar dep ihtar eteler.
Bunı "Sarı Şerit" areketi bildire.
Areket faalleri haber etkenleri kibi, medeniyetnniñ işğal bölüginden böyle "tevsiyelernen" mektüpler Yaltadaki iş adamlarına kelmege başladılar.
"İşhanelerde muzıkalı ozgaruvınıñ qısmı, Oleg Ğazmanov, Şaman, LÜBE ve başqa "vatanperver muzıkalarından" ibaret olmalı. İşğalciler turistik mevsiminiñ başlanuvına yaqın teşkerüvlerni keçirecekler dep vade eteler ve eñ azdan yarım saat içinde bir kere vatanperverlik bir şey yanğıramaq kerek olğanını iddia eteler", – denile beyanatta.
Hatırlatayıq ki, "Qırım uquq qoruyıcı gruppasınıñ" malümatına köre, işğal etilgen Qırımda rusiye akimiyeti, ukrainlerni olarnnı ukrain tarafdarlı mevamı içün cezalandırıp olarğa qarşı basqılarnı devam ete. Böyleliknen, 2025 senesi uvut ayına qadar içtimaiy ağlardaki yazılar, ukrain timsalâtnıñ qullanuvı ve işğal siyasetinen razı olmamasınıñ bildirüvi içün memuriy davalarnıñ eñ azdan 993 vaqiası qayd etilgen.
Telegram, WhatsApp ve Facebookta Suspilne Qırım haberlerine abune oluñız
