Çiçek aynıñ 4 Ukraina Akimiyeti, qırımtatar tiliniñ yañı imlâsınıñ qullanuvını tayin etken. Vesiqa üzerinde iş 2023 seneden itibaren sürgen edi. İmlâ, latin urufatınıñ qullanuvını köz ögünde tutqan elifdesinde esaslana, o ise – zemaneviy til meyilleri ve qırımtatar tiliniñ tarihiy adetine uya.
Bunıñ aqqında Qırımda Ukraina prezidentiniñ temsilciliginde haber ettiler.
Anda şunı qayd ettiler ki, imlâ üzerinde tilşınaslar, alimler ve qırımtatar halqnıñ vekilleri çalışqan ediler.
Bundan da ğayrı, işlep çıqarılması üzerinde ceryanına Ukraina Maarif ve ilim nazirligi, Öleksandr Opanasoviç Potebnâ adına Ukraina İMA tilşınaslıq institutı, Taras Şevçenko adına Kiyev Milliy universiteti , Qırımtatar halqnıñ meclisi ve başqa ekspertleri qatnağanlar.
"Tayin etilgen qaideler yazılış, ögretüv, media, edebiyat ve toponimikada qullanuvını tarqap alalar. Olar ayrıca vaqtınca işğal etilgen Qırım Muhtar Cumhuriyeti ve Sevastopol (Aqyar) şeeriniñ territoriyasında yerli ve arbiy memuriyetlerinen beraber bütün devlet organlarınen qullanuvına tevsiye etilgenler", – denile beyanatta.
Hatırlatayıq ki, imlânıñ tayin etüvi kelecekte qırımtatar tiliniñ luğatını azırlamağa fırsat berer.
Telegram, WhatsApp ve Facebookta Suspilne Qırım haberlerine abune oluñız
