İşğal etilgen Qırımda Rusiye quvetçileri, demiryoldaki rele dolabını yaqqan eki yerli sakinni tuttılar. Olarğa dair tevqif etüv şeklinde qorçalayıcı tedbir alındı.
Bunı işğalli Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) Demiryol makemesi bunı bildirdi.
Bildirildi ki, saban ayınıñ 30-nda adamlar "cinayetli şekilde añlaştılar", bu ise Simferopol (Aqmescit) rayonınıñ Çıstenka stantsiyasında ışıqlarnı idare etken rele dolaplarını ateşke berüvnen bağlı edi.
"2025 senesi saban ayınıñ 31-nde qabaatlanğanlar tutuldı, olarğa Rusiye Ceza qanunnamesiniñ 205 maddesiniñ 2-nci qısmınıñ "a" noqtasına binaen qabaatlavlar bildirildi. Makeme qabaatlanğanlarğa qarşı eki ayğa apis cezasını berdi", — dep aytıla haberde.
Hatırlatamız ki, Yevpatoriyada (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) tintüvlerden soñ işğalciler Lvivden bir qorantanıñ dört azasını tuttılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
