İşğal etilgen Qırımnıñ Nijnögirsk köyündeki mezarlığında Rusiye teşviqatçısı Oleksandr Fedorçak ve daa üç Rusiye arbiyiniñ mezarları ateşke berildi.
Saban ayınıñ 31-nde RİA "Novosti Krım" bu aqqında haber etti.
"O yerde quvet organlarınıñ hadimleri çalışlar. Vaziyet, sebepler ve qabaatlı şahıslar belgilene", — dep Rusiye işğalli Bilogirsk (Nijnögirsk rayonı) memuriyetiniñ yolbaşçısı Anton Kravets bildirdi.
Qırım ve Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) Rusiye kontrolindeki Taqiqat eyyeti, mezarlar ateşke berilgeni sebebinden cinaiy dava açılğanını bildirdi.
Hatırlatamız ki, saban ayınıñ 24-nde muarririyetniñ saytı haber berdi ki, "İzvestiya" rusiye neşriniñ "cenk mühbiri" Oleksandr Fedorçaknıñ ölümi aqqında haber etti.
İlk neşirde Fedorçak Kupyansk yönelişinde çalışqanı yazılğan edi. Daa soñra, işğal etilgen Luğansk vilâyetinde top ateşinde elâk olğanını bildirdi. Ukraina tarafı bu haberlerni izaatlamadı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
