Qırımda işğalciler, hususan Yaltada, oyun zonalarınıñ meydanğa ketirilmesini faalleştirdiler. Şeerde bir qaç yıl devamında boş turğan eski şifahane ve musafirhanelerni acelen kazinolarğa çevireler.
"Sarı şerit" areketi bunı bildirdi.
"İşğalli memuriyet açıqtan-açıq oyun biznesini "perspektiv yatırım" dep adlandıra, lâkin suv teminatı, tibbiyet, yollar kibi kerçek meseleler diqqatqa alınmay", — dep aytıla haberde.
Aslında, coşqun oyunlarınıñ inkişafı işğalciler içün bir prioritet oldı, çünki bu, yerliler ve Rusiye turistlerinden para qazanmaq içün qolay ve tez bir yoldır, dep "Sarı şerit" yazdı.
Hatırlatamız ki, Qırımda oyun zonalarınıñ teşkil etilmesi aqqında ruslar yarımadanı işğal etken soñ laf etken ediler. Şu cümleden, 2018 senesi Yalta civarındaki Katsıveli köyünde qurulmağan "Fortuna" şifahanesiniñ toprağında böyle bir bölgeniñ qurulması aqqında ilân etildi.
Telegram, WhatsApp ve Facebookta Suspilne Qırım haberlerine abune oluñız
