Qırım MC-niñ Musulmanlarnıñ ruhaniy idaresi, Ukrainadaki qayısı camiler ve islam medeniy merkezlerinde musulmanlar Oraza Bayramdaki namazını qılıp olacaqları aqqında tarif etti. 2025 senesi bu bayram saban aynıñ 30-31-ne çıqa.
Bunıñ aqqında QMC MRİ saban aynnı 29 öz Facebook saifesinde bildirdi.
"Namaz, saba saat 8:00-de başlana. Qapılarımız saat 7:30-tan açıq olacaqlar", – qayd ettiler idarede.
Bayram namazınıñ keçirilecek yerleri:
- Kiyev ş. QMC MRİ temsilciligi/Ukraina musulmanlarınıñ birleşmesiniñ islam medeniy merkezi. Kiyev, 67/1 Beresteyskıy (Ğalebe) saddesi;
- IHLAS İslam medeniy merkezi, Kiyev, 59A/2 Çervonotkatska soqağı;
- "Birlik" qırımtatar medeniy merkezi: Kiyev vilâyeti, Çaykı k., 3 Ğruşevskıy soqağı;
- "Buça camisi": Kiyev vilâyeti, Buça rayonı, Buça ş., 14 Dımıtrova soqağı.
- "Rahma" camisi: Volın vilâyeti, Lutsk ş., 14A Vınnıçenko soqağı;
- "Lviv ş. musulmanlarnıñ diniy cemiyeti": Lviv ş., 20 Saksağanskıy soqağı (Saat 9:00-da başlanuv).
Evelden QMC MRİ başı, Qırım Yuqarı müftiyi Ayder Rustemov ve Qırımtatar resurs merkeziniñ meneceri Zarema Bariyeva, Suspilne Qırımğa Oraza Bayramında ukrain musulmanları, ayrıca qırımtatarlarnıñ adetleri ve onı cenk şaraitlerinde nasıl qayd etkenleri aqqında tarif ettiler.
Telegram, WhatsApp ve Facebookta Suspilne Qırım haberlerine abune oluñız
