Qırım, başqa vaqtınca işğal etilgen territoriyalar kibi, – Ukrainanıñ qısmıdır. O, halqara vesiqalarında qayd etilgen. Qırım MC-de daimiy prezident vekili Olğa Kurışko, KHV-da AQŞ yarımadanı rusiye olaraq tanıy bilgenleri aqqında beyanatlarına cevap bergen. Onıñ sözlerine köre, o, qırmızı şeritidir.
Öz Facebook-ta o, Qırımnıñ statusına dair halqara ortaqlarınıñ esas qararları aqqında hatırlatqan.
"2014 seneden itibaren BMT Baş Asambleyası, esas qararlarınıñ sırasını qabul etken, ayrıca: Ukrainanıñ territorial bütünligine dair 68/262 (2014), 71/205 (2016), 72/190 (2017), 73/263 (2018), 74/168 (2019), 75/192 (2020), 76/179 (2021), 77/229 (2022) ve yañı ukrain territoriyalarınıñ zapt etüv ıntıluvlarını makeme etken 77/275 (2023). Ayrıca 73/194 (2018), 74/17 (2019) ve 75/29 (2020) qararları Qırım "statusınıñ" deñiştirüviniñ tanımamasını tasdıq eteler", – denile beyanatta.
Daa 2018 senesi AQŞ Devlet departamenti, AQŞ Qırımğa Rusiyeniñ iddialarını tanımağanları ve iç bir zaman tanımaycaqlarını qayd etken Qırım añlaşmasını yayınladı.
"2024 senesi "Ukraina Rusiyege qarşı" (Qırımğa dair) davasında İAAT-nıñ qararını aldıq, anda ise şusı qayd etile ki, Qırımda Rusiye Federatsiyasınıñ semereli arbiy nezareti, 2014 senesi uvut aynıñ 27-den yani "referendumnıñ" keçirüvinden ay evelsi tayin etilgen. Böyleliknen, "referendum", endi işğal şaraitlerde, silâlı rusiye arbiyleriniñ nezareti astında ve jurnalistler, ukrain ve qırımtatar faalleriniñ tecavuziy ğayip etüvlerniñ zemininde keçirilgen edi", – hatırlata Kurışko.
Hatırlatayıq ki, saban aynıñ 17 Semafor neşriyatı haber etkeni kibi, AQŞ prezidenti Donald Trampnıñ memuriyeti cenkniñ toqtatuvı aqqında ihtimalli añlaşmasınıñ çerçivelerinde işğal etilgen Qırımnıñ rusiye territoriyası kibi tanımağa fırsatını baqa. Jurnalistler eki memurına atıf etken ediler.
Saban aynıñ 19 telefon muzakeresi vaqtında Volodımır Zelenskıy ve Donald Tramp Qırım statusına dair mevzusına tiymegen ediler, dedi saban aynıñ 20 Norvegiyağa ziyareti vaqtında Ukraina prezidenti.
Saban aynıñ 19 Finlândiya prezidentinen matbuat konferentsiyası vaqtında Zelenskıy, Ukraina vaqtınca işğal etilgen territoriyalarnıñ rusiye olaraq tanımasına razı olmaycağını bildirdi.
Telegram, WhatsApp ve Facebookta Suspilne Qırım haberlerine abune oluñız
