Saban ayınıñ 20-nde saba Qırımda rusiye işğalcileri Sudaq yanındaki qasabada qırımtatar milliy areketiniñ veteranı Rustem Useinovnıñ yaşağanı vagonnıñ etrafını sardılar.
Qırımtatar Milliy Meclisiniñ reisi Refat Çubarov bu aqqında Facebook saifesinde yazdı.
Onıñ sözlerine köre, şimdi vagon qoyulğan yerde keçenlerde Rustem ev qurdı, amma 2014 senesi RF Qırımnı işğal etilmeden evel onı resmiyleştiremedi.
"2021 senesi boş ayda onıñ evi rusiye cezalandırıcıları tarafından qırıldı. Lâkin Rustem ağa öz aqlarını qorçalağanda qanunsız olaraq qırılğan ev yerine, er vaqıt yaşağanı, meskün vagonnı qoydı. 2025 senesi saban ayınıñ 20-nde saba rusiye işğalcileriniñ Qapsihor (Morske) qasabasınıñ yalısına ketirgenleri tehnikası ve silânen adamlarnıñ sayısına köre, meskün vagon da alınacaq", — dep Refat Çubarov bildirdi.
Telegram, WhatsApp ve Facebookta Suspilne Qırım haberlerine abune oluñız
